គ្រូ​បង្រៀន​​​​​​ដែល​​​ជា​​​សមាជិក​​​សមាគម​​​គ្រូ​​​បង្រៀន​​​កម្ពុជា​​​​​​​នឹង​ធ្វើកូដកម្មទាម​ទារ​ដំឡើង​ប្រាក់​ខែ​​

គ្រូ​បង្រៀន និងសមាគមគ្រូ​បង្រៀន​កម្ពុជា​​​​​​​ឯក​រាជ្យ​បាន​លើក​ឡើង​កាល​ពី​ម្សិល​មិញ​ថា គ្រូ​បង្រៀន​​នៅ​ទូ​ទាំង​ប្រទេស​នឹង​ចាប់​ផ្តើម​​​​ធ្វើ​​​​​​កូដកម្ម​ឡើង​វិញ​នៅ​ថ្ងៃនេះ​ ដើម្បី​​​​​ទាម​ទារ​ដំឡើង​ប្រាក់​ខែឲ្យ​បាន​​២៥០​ដុល្លារ​ក្នុង​មួយ​ខែ​។

គ្រូ​បង្រៀន​ក្នុង​រាជ​ធានី​ភ្នំពេញ​ និង​យ៉ាង​​​ហោច​ណាស់​ក្នុង​ខេត្ត​ចំនួន​ប្រាំទៀត​ កាល​ពី​ថ្ងៃច័ន្ទ​បាន​ចាប់​ផ្តើម​ធ្វើ​កូដ​កម្ម​ដាច់​ដោយ​ឡែក​ពី​គ្នា​បន្ទាប់ពី​ លោក រ៉ុង​ ឈុន ប្រធាន​សមា​​​គម​គ្រូ​បង្រៀន​កម្ពុជា​ឯក​រាជ្យ​បាន​អំពាវ​នាវ​ឲ្យ​ធ្វើ​កូដកម្ម​នៅ​ទូទាំង​ប្រទេស​​​​​​​កាល​ពី​សប្តាហ៍មុន។ ទោះ​​​ជា​​​​យ៉ាងណា កូដ​កម្ម​កាល​ពី​ថ្ងៃច័ន្ទ​មិន​ត្រូវ​បាន​សម្រប​សម្រួល​​ទេ ​បន្ទាប់ពី​លោក រ៉ុង ​​ឈុន នៅតែ​មិន​អាច​ទាក់ទង​​បាន​​អស់​រយៈ​​​​​​​​​ពេល​បី​ថ្ងៃហើយ​​​​ចាប់​​​តាំង​​​​ពី​ចុង​​សប្តាហ៍​​​​មក​​​។

កាល​ពីសប្តាហ៍​មុន លោក​ត្រូវ​បាន​កោះ​ហៅ​ឲ្យមក​បង្ហាញ​ខ្លួន​នៅ​តុលាការ​នៅ​ថ្ងៃ​ទី​១៤​​ ខែមករា ជុំវិញការ​ចោទ​ប្រកាន់​ទាក់​​​ទង​​​ទៅ​នឹង​សកម្មភាព​របស់​លោក​​។ ដោយ​​សំដៅដល់​ព័ត៌មាន​​ដែល​ថា កម្លាំង​សន្តិសុខ​ត្រូវ​បាន​​ដាក់​ពង្រាយ​នៅ​តាម​សាលា​​​​រៀន​យ៉ាង​ហោច​ណាច់​ចំនួន​ពីរ​ដែល​មាន​កូដកម្ម​កើត​ឡើង​កាល​ពី​ថ្ងៃ​ច័ន្ទ​នោះ លោក រ៉ុង​ ឈុន បាន​មាន​ប្រសាសន៍​ កាល​ពីម្សិល​​​មិញថា “យើង​នឹង​បន្ត​ធ្វើ​កូដ​កម្ម​ទៀត​ ប៉ុន្តែ យើង​កំពុង​តែ​ពិនិត្យ​មើល​ស្ថានភាព​។

ប្រសិន​​​​​​​​​​​​​បើ​ពួកគេ​ដាក់​ពង្រាយ​កង​កម្លាំង​បន្ថែម​នោះ​ យើង​នឹង​ប្រាប់​​ [គ្រូបង្រៀនទាំងអស់] ឲ្យ​នៅ​ស្ងៀម​ស្ងាត់​ ហើយ​អង្គុយ​ក្នុង​ថ្នាក់​​រៀន ប៉ុន្តែ​​​កុំ​បង្រៀន​”។ ​គ្រូ​​ប​ង្រៀនមួយ​ចំនួនដែល​​​​​​មាន​​​ការ​​​ប្រុង​​​ប្រយ័ត្ន​​​​បន្ទាប់​ពី​​​​មិន​​​បាន​​​ដឹង​​​ពី​​​លោក រ៉ុង  ឈុន កាល​ពីថ្ងៃ​ច័ន្ទ​នោះ មាន​ការ​ប្តេជ្ញា​ចិត្ត​យ៉ាង​ខ្លាំង​កាលពីម្សិលមិញដោយ​​លើក​ឡើង​​​​ថា ពួកគាត់​នឹង​ធ្វើ​កូដកម្ម​រហូ​ត​ដល់​​រដ្ឋាភិបាល​​​​​​​ឆ្លើយ​តប​តាម​ការ​ទាម​ទារ​របស់​ខ្លួន​។

គ្រូបង្រៀន​ម្នាក់ឈ្មោះ​ ​អ៊ុក ឆាយ៉ាវី ជា​សមា​ជិក​សមាគម​គ្រូបង្រៀន​កម្ពុជា​ឯករាជ្យ​ដែល​បង្រៀន​នៅ​វិទ្យាល័យ​ជ័យ​វរ្ម័ន​ទី​៧​ក្នុង​ស្រុក​កៀន​ស្វាយ​ ខេត្ត​កណ្តាល​បាន​មាន​ប្រសាសន៍​ថា “ [ថ្ងៃ​នេះ​]​ ខ្ញុំ​មិន​បង្រៀន​ទេ ហើយ​ថ្ងៃ​បន្ទាប់​ខ្ញុំ​នឹង​ទៅ​សាលា​រៀន​ តែ​ខ្ញុំ​មិន​​បង្រៀន​”។ គាត់បាន​មាន​ប្រសាសន៍ថា “យើង​នឹង​ធ្វើ​​កូដកម្ម​រហូត​ដល់​រដ្ឋាភិបាល​ផ្តល់​ប្រាក់​​ខែ​គោល​ដល់​ពួកយើង​ឲ្យ​បាន​​២៥០​ដុល្លារ​”។

មាន​គ្រូបង្រៀន​ចំនួន​៨៧.០០០នាក់​បង្រៀន​នៅ​តាម​សាលា​ចំនួន​១១.៣៧០​កន្លែង​ក្នុង​ប្រទេស​កម្ពុជា ហើយ​សមាគម​គ្រូ​បង្រៀន​កម្ពុជា​ឯករាជ្យ​មាន​សមាជិក​ច្រើន​ជាង​១០.០០០នាក់​។

លោក សេង ធី ជា​គ្រូបង្រៀន​នៅ​សាលា​បឋ​មសិក្សា​ នរោត្តម រណប្ញទ្ធិ ក្នុង​ស្រុក​គង​ពិសី ខេត្ត​កំពង់​ស្ពឺ​បាន​មាន​ប្រសា​សន៍​ថា គ្រូ​​​បង្រៀន​ចំនួន​៣៨​នាក់​​នៅ​ទី​នោះ​​សម្រេច​ជា​ឯកច្ឆន្ទ​ថានឹង​ធ្វើ​កូដកម្ម​។ លោក សេង ធី បាន​មាន​ប្រសាសន៍​ថា “នាយក​សាលា​បាន​ប្រាប់​យើង​ថា មាន​ការ​ហាម​ឃាត់​មិន​ឲ្យ​ធ្វើ​កូដកម្ម ប៉ុន្តែ ប្រសិន​​បើ​យើង​ទាំង​អស់​គ្នា​រួបរួម​គ្នា តើ​គេ​អាច​ធ្វើ​អ្វី​ពួកយើង​បាន​?”។

លោក រស់​ សាលីន ប្រធាន​ខុទ្ទ​កាល័យ​ក្រសួង​អប​រំ​​មាន​ប្រសាសន៍​ថា គ្រូ​បង្រៀន​​​​​​​ទាំង​អស់​តម្រូវឲ្យ​​បង្រៀន​នៅ​ថ្ងៃ​នេះ​​។ លោក​បាន​មាន​ប្រសាសន៍ថា “ [ថ្ងៃ​នេះ​] គឺ​ជាថ្ងៃ​ធ្វើការ​…គ្រូ​បង្រៀន​ទាំង​អស់​ត្រូវ​មក​បង្រៀនដូច​​ធម្មតា​”។ លោក​បាន​បន្ថែម​ថា “ក្រសួង​នឹង​ធ្វើការ​ពន្យល់​អំពី​ផល​ប៉ះពាល់​អវិជ្ជ​មាន​ដោយ​សារ​ការ​ធ្វើ​កូដកម្ម​របស់​ [គ្រូ​បង្រៀន] ហើយ​យើង​មិន​ទាន់​មាន គម្រោង​ផ្សេង​បន្ទាប់​ពី​​​នេះឡើយ​”៕សារុន
(រាយ​ការណ៍​បន្ថែម​ដោយ អូន ភាព​)​​​

© 2014, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

ព័ត៌មាន​ថ្មីៗ

វា​​​មាន​​​រយៈ​​​ពេល​​​បួន​​​ឆ្នាំ​​​​​​ហើយ​​​​​​គិត​​​មក​​​ទល់​​​ពេល​​​នេះ ដែល​​​​​​ជន​​​រង​​​គ្រោះ​​​ចំនួន​​​៣៥៣​​​នាក់​​​ ដែល​​​ភាគ​​​ច្រើន​​​ជា​​​បុរស និង​​​​​​ស្ត្រី​​​វ័យ​​​ក្មេង​​​បាន​​​ស្លាប់​​​នៅ​​​ថ្ងៃ​​​ផ្តាច់​​​ព្រ័ត្រ​​​នៃ​​​ពិធីបុណ្យ​​​អុំ​​​ទូក​​​ ​​​ដោយ​​​សារ​​​ការ​​​ផ្អើល​​​រត់​​​ជាន់​​​គ្នា​​​លើ​​​ស្ពាន​​​ដ៏​​​តូច​​​​​​ចង្អៀត​​​មួយ​​​ឆ្លង​​​ទៅ​​​កោះ​​​ពេជ្រ​​​។ ខួប​​​រំឭក​​​ហេតុ​​​ការណ៍​​​សោក​​​នាដ​​​កម្ម​​​ដែល​​​រដ្ឋាភិបាល​​​បាន​​​និយាយ​​​ថា ជា​​​គ្រោះ​​​ថ្នាក់​​​បាត់​​​បង់​​​ជីវិត​​​មនុស្ស​​​ច្រើន​​​បំផុត​​​ក្នុង​​​ពេល​​​តែ​​​មួយ​​​ចាប់​​​តាំង​​​ពី​​​របប​​​ខ្មែរ​​​ក្រហម​​​ដួល​​​រលំ​​​មក​​​នេះ​​​ ត្រូវ​​​បាន​​​ប្រារព្ធ​​​ឡើង​​​កាល​​​ពី​​​ថ្ងៃ​​​សុក្រ ដោយ​​​មន្ត្រី​​​គណបក្ស​​​សង្គ្រោះ​​​ជាតិ ក្រុម​​​គ្រួសារ​​​ជន​​​រង​​​គ្រោះ​​​ និង​​​ព្រះ​​​សង្ឃ​​​ដែល​​​បាន​​​ជួប​​​ជុ​​​ំ​​​គ្នា​​​នៅ​​​ស្តូប​​​រំឭក​​​វិញ្ញាណក្ខន្ធ​​​​​​កោះ​​​ពេជ្រ​​​ដើម្បី​​​ធ្វើ​​​​​​ពិធី​​​បង្សុកូល​​​ឧទ្ទិស​​​ដល់​​​អ្នក​​​ស្លាប់​​​។ ចំណែក​​​ឯសាលា​​​រាជ​​​ធានី​​​គ្រោង​​​រៀប​​​ចំ​​​ជា​​​វិធី​​​រំឭក​​​វិញ្ញាណក្ខន្ធ​​​ដាច់​​​ដោយ​​​ឡែក​​​មួយ​​​​​​នៅ​​​ថ្ងៃ​​​សៅរ៍​​​នេះ​​​​​​​​​។ លោក​​​ស្រី មូរ សុខហួរ តំណាង​​​រាស្ត្រ​​​គណបក្ស​​​សង្គ្រោ​​​ះ​​​ជាតិ​​​ ដែល​​​បាន​​​ចូល​​​រួម​​​ក្នុង​​​ពិធី​​​កាល​​​ពី​​​ថ្ងៃ​​​សុក្រ ជាមួយ​​​លោក សម រង្ស៊ី​​​ ប្រធាន​​​គណបក្ស​​​នេះ​​​ បាន​​​មាន​​​ប្រសាសន៍​​​បន្ទាប់​​​ពី​​​ពិធី​​​នេះ​​​ថា “យើង​​​បាន​​​ឧទ្ទិស​​​ដល់​​​ហេតុ​​​ការណ៍​​​សោក​​​នាដ​​​កម្ម​​​​​​​​​នៃ​​​ការ​​​រត់​​​ជាន់​​​​​​លើ​​​បុរស ​​​ស្ត្រី និង​​​កុមារ​​​ជាង​​​៣០០នាក់​​​ ដែល​​​បាន​​​បាត់​​​បង់​​​ជីវិត​​​ ជា​​​រឿង​​​ដែល​​​​​​យើង​​​​​​អាច​​​ទប់​​​ស្កាត់​​​បាន​​​ ហើយ​​​រហូត​​​មក​​​ទល់​​​ពេល​​​នេះ ការ​​​សើុប​​​អង្កេត​​​មិន​​​ទាន់​​​រក​​​បាន​​​ចម្លើយ​​​ដែល​​​យើង​​​អាច​​​ទទួល​​​យក​​​បាន​​​នៅ​​​ឡើយ​​​ទេ​​​”។ អាជ្ញាធរ​​​​​​បាន​​​រង​​​ការ​​​ចោទ​​​ប្រកាន់​​​ថា​​​មាន​​​ការ​​​ធ្វេស​​​ប្រហែស​​​​​​ក្រោយ​​​ពី​​​​​​សោក​​​នាដកម្ម​​​នេះ​​​ចំពោះ​​​ការ​​​មិន​​​បាន​​​គ្រប់​​​គ្រង​​​ហ្វូង​​​មនុស្ស​​​យ៉ាង​​​ច្រើន​​​កក​​​កុញ​​​ដែល​​​​​​នាំ​​​គ្នា​​​សម្រុក​​​​​​ទៅ​​​កោះ​​​ពេជ្រ​​​នៅ​​​យប់​​​នោះ​​​។ ទោះ​​​ជា​​​យ៉ាង​​​ណា ការ​​​សើុប​​​អង្កេត​​​មួយ​​​ដែល​​​រដ្ឋាភិបាល​​​ចេញ​​​បញ្ជា​​​ បាន​​​រក​​​ឃើញ​​​ថា ការ​​​​​​រត់​​​ជាន់​​​គ្នា​​​នោះ​​​បង្ក​​​ឡើង​​​ដោយ​​​ការ​​​ភ័យ​​​ស្លន់​​​ស្លោ​​​ថា ស្ពាន​​​ជិត​​​បាក់​​​ ហើយ​​​ចាប់​​​តាំង​​​ពី​​​ពេល​​​នោះ​​​មក​​​គ្មាន​​​នរណា​​​ម្នាក់​​​​​​ត្រូវ​​​បាន​​​ចាប់​​​ឲ្យទទួល​​​ខុស​​​ត្រូវ​​ចំពោះ​​​សោក​​​នាដ​​​កម្ម​​​នោះ​​​ឡើយ​​​។ នៅ​​​ទី​​​បំផុត​​​ សាលា​​​រាជ​​​ធានី​​​បាន​​​វាយកម្ទេច​​​ស្ពាន​​​នោះ​​​ចោល​​​ ហើយ​​​បាន​​​សាង​​​សង់​​​ស្ពាន​​​បេតុង​​​ដ៏​​​រឹង​​​មាំ​​​ចំនួន​​​ពីរ​​​ជំនួស​​​ស្ពាន​​​ចាស់​​​។ ប៉ុន្តែ ការ​​​ព្យាយាម​​​របស់​​​តំណាង​​​រាស្ត្រ​​​គណបក្ស​​​ប្រឆាំង​​​ ដើម្បី​​​ចាប់​​​ផ្តើម​​​ធ្វើ​​​ការ​​​សើុប​​​អង្កេត​​​ឯករាជ្យ​​​ជា​​​លើក​​​ទី​​​២​​​ក្នុង​​​បំណង​​​​​​ស្វែង​​​រក​​​​​​ឫស​​​គល់​​​ដែល​​​នាំ​​​ឲ្យ​​​មាន​​​ការ​​​រត់​​​ជាន់​​​គ្នា​​​នោះ​​​ ត្រូវ​​​បាន​​​គណបក្ស​​​កាន់​​​អំណាច​​​ច្រាន​​​ចោល​​​​​​។ អ្នកស្រី​​​ សោម សុភាព អាយុ​​​៤៦​​​ឆ្នាំ​​​ដែល​​​បាន​​​បាត់​​​បង់ជីវិត​​​​​​កូន​​​ប្រុស​​​អាយុ​​​១៩​​​ឆ្នាំ​​​​​​ឈ្មោះ ចាន់ សុវណ្ណរិទ្ធ​​​ នៅ​​​ក្នុង​​​ហេតុការណ៍​​​រត់​​​ជាន់​​​គ្នា​​​នោះ​​​ និង​​​ដែល​​​មាន​​​គម្រោង​​​ចូល​​​រួ​​​ម​​​ពិធី​​​នៅ​​​ថ្ងៃ​​​នេះ បាន​​​និយាយ​​​ថា ចាប់​​​តាំង​​​ពី​​​ទទួល​​​​​​បាន​​​សំណង​​​១៤.០០០ដុល្លារ​​​​​​ ចំពោះ​​​ការ​​​បាត់​​​បង់​​​ជីវិត​​​កូន​​​ប្រុស​​​រួច​​​មក ​​​អ្នកស្រី​​​ទទួល​​​បាន​​​ព័ត៌​​​មាន​​​តិច​​​តួច​​​ណាស់​​​ពី​​​អា​​​​​​ជ្ញាធរ​​​។ អ្នកស្រី​​​និយាយ​​​ថា “ខ្ញុំ​​​បារម្ភ​​​ថា ពួក​​​គេ​​​នឹង​​​បំភ្លេច​​​វា​​​​​​ចោល​​​ ហើយ​​​ខ្ញុំ​​​ចង់​​​ឲ្យ​​​ធ្វើ​​​ពិធី​​​នេះ​​​រហូត”។ អ្នកស្រី​​​លើក​​​ឡើង​​​ទៀត​​​ថា រៀង​​​រាល់​​​ខែ​​​វិច្ឆិកា គឺ​​​ជា​​​ពេល​​​កើត​​​ទុក្ខ​​​ក្រៀម​​​​​​ក្រំ​​​សម្រាប់​​​អ្នកស្រី​​​ ដោយ​​​សារ​​​តែ​​​អ្នកស្រី​​​នឹក​​​ឃើញ​​​​​​ដល់​​​កូន​​​​​​ប្រុស​​​ច្បង​​​របស់​​​ខ្លួន​​​​​​។ អ្នកស្រី​​​បាន​​​និយាយ​​​​​​ថា “ពេល​​​ខ្ញុំ​​​​​ចេញ​​​ពី​​​ធ្វើ​​​ការ​​​ត្រឡប់​​​មក​​​ដល់​​​ផ្ទះ​​​វិញ​​​ ហើយ​​​សម្លឹង​​​ទៅ​​​គ្រែ​​​ ខ្ញុំ​​​ស្រមៃ​​​ឃើញ​​​គេ​​​កំពុង​​​អង្គុយ​​​រង់​​​ចាំ​​​ខ្ញុំ។ បើ​​​គេ​​​នៅ​​​រស់​​​ គេ​​​នឹង​​​មាន​​​អាយុ​​​ជាង​​​២០ឆ្នាំ​​​ ហើយ​​​ប្រហែល​​​ជា​​​​​​មាន​​​សង្សារ​​​​​​ច្រើន ឬ​​​ប្រហែល​​​ជា​​​ខ្ញុំ​​​មាន​​​កូន​​​ប្រសា​​​​​​ផង​​​ក៏​​​មិន​​​ដឹង​​​”។ ​​​​​​​​​ លោក​​​ ខាត់​​​ ឆន អាយុ​​​៥៣​​​ឆ្នាំ​​​ ដែល​​​កូន​​​ប្រុស​​​វ័យ​​​១២​​​ឆ្នាំ​​​របស់​​​គាត់​​​ឈ្មោះ ឆិល​​​ ឆាត បាន​​​​​​ស្លាប់​​​ក្នុង​​​ហេតុការណ៍​​​នោះ​​​ ក៏​​​មាន​​​គម្រោង​​​ចូល​​​រួម​​​ក្នុង​​​ពិធី​​​នៅ​​​ថ្ងៃ​​​នេះ​​​ដែរ​​​។ គាត់​​​និយាយ​​​ថា មាន​​​របស់​​​មួយ​​​ចំនួន​​​ដែល​​​ធ្វើ​​​ឲ្យ​​​គាត់​​​ឈឺចាប់​​​ពេល​​​សម្លឹង​​​មើល​​​វា​​​ ហើយ​​​ការ​​​សម្លឹង​​​មើល​​​ក្មេង​​​ដទៃ​​​ធំដឹង​​​ក្តី​​​ ​​​ធ្វើ​​​ឲ្យគាត់​​​នឹក​​​ឃើញ​​​ដល់​​​កូន​​​ប្រុស​​​របស់​​​ខ្លួន​​​។ គាត់​​​បាន​​​និយាយ​​​ទៀត​​​ថា “ពេល​​​ខ្ញុំ​​​ឃើញ​​​កង់​​​របស់​​​វា​​​ សៀវ​​​ភៅ​​​របស់​​​វា និង​​​អ្វី​​​ៗដែល​​​​​​កូន​​​ប្រុស​​​របស់​​​ខ្ញុំ​​​ធ្លាប់​​​លេង ទឹក​​​ភ្នែក​​​របស់​​​ខ្ញុំ​​​ក៏​​​ស្រក់​​​ចុះ​​​ដោយ​​​មិន​​​ដឹង​​​ខ្លួន។ ខ្ញុំ​​​បាន​​​​​​រក្សា​​​ទុក​​​អ្វី​​​គ្រប់​​​យ៉ាង​​​ដែល​​​ជា​​​របស់​​​កូន​​​ប្រុស​​​ខ្ញុំ ខ្ញុំ​​​នឹង​​​មិន​​​លក់វា​​​ទេ​​​”៕សុខុម​​​ (រាយការណ៍​​​បន្ថែម​​​ដោយ​​​ Holly Robertson) ​​​​​​​​​​​​

យោង​​​តាម​​​ការ​​​សើុប​​​អង្កេត​​​មួយ​​​ធ្វើ​​​ឡើង​​​ដោយ​​​អង្គការ​​​សិទ្ធិ​​​មនុស្ស​​​ Human Rights Watch បាន​​​ឲ្យ​​​ដឹង​​​ថា ការ​​​រំលោភ​​​បំពាន​​​ ការ​​​រើស​​​អើង​​​ និង​​​ការ​​​គំរាម​​​កំហែង​​​កំពុង​​​រង់​​​ចាំ​​​ជន​​​ភៀស​​​​​​ខ្លួន​​​ដែល​​​ត្រូវ​​​បញ្ជូន​​​​​​ពី​​​ប្រទេស​​​​​​កោះ​ណូរូ​​​មក​​​ប្រទេស​​​កម្ពុជា​​​ក្រោម​​​កិច្ច​​​ព្រម​​​ព្រៀង​​​មាន​​​ទឹក​​​ប្រាក់​​​៣៥​​​លាន​​​ដុល្លារ​​​ ដែល​​​ចុះ​​​ហត្ថលេខា​​​ដោយ​​​លោក ស ខេង រដ្ឋ​​​មន្ត្រី​​​ក្រសួង​​​មហាផ្ទៃ​​​កាល​​​ពី​​​ខែ​​​កញ្ញា ដើម្បី​​​ទទួល​​​យក​​​ជន​​​ស្វែងរក​​​សិទ្ធិ​​​ជ្រក​​​កោន​​​ពី​​​ប្រទេស​​​អូស្ត្រាលី។ ក្នុង​​​ការ​​​សម្ភាស​​​ជា​​​បន្ត​​​បន្ទាប់​​​ ដែល​​​ធ្វើ​​​ឡើង​​​កាល​​​ពី​​​សប្តាហ៍​​​មុន​​​ ជន​​​ភៀស​​​ខ្លួន​​​១០​​​នាក់​​ដែល​​​សព្វ​​​ថ្ងៃ​​​កំពុង​​​រស់​​​នៅ​​​ក្នុង​​​ប្រទេស​​​កម្ពុជា​​​ បាន​​​ប្រាប់​​​អង្គការ​​​តស៊ូ​​​មតិ​​​​​​​​​​​​​​​​​​​នេះ​​​ថា ពួក​​​គេ​​​​​​ពិបាក​រក​ការងារ​ធ្វើ ត្រូវ​​​គេ​​​បដិសេធ​​​​​​មិន​​​ឲ្យ​​​ចូល​​​រៀន​​​ និង​​​ទទួល​​​ការ​​​ព្យាបាល​​​សុខ​​​ភាព​​​គ្មាន​​​ស្តង់​​​ដារ​​​។ ជន​​​ភៀស​​​ខ្លួន​​​​​​ម្នាក់​​​ ដែល​​​សុំ​​​មិន​​​ប្រាប់​​​ឈ្មោះ​​​ បាន​ឲ្យ​​​ដឹង​​​ក្នុង​​​របាយ​​​ការណ៍​​​អង្គការ​​​សិទ្ធិ​មនុស្ស​​​នេះ​ “យើង​​​រស់​​​នៅ​​​ទី​​​នេះ​​​​​​ជាង​​​ពីរ​​​ឆ្នាំ​​​​​​មកហើយ​​​ ហើយ​​​យើង​​​មិន​​​មាន​​​ប្រាក់​​​ និង​​​គ្មាន​​​អ្វី​​​ហូប​​​គ្រប់​​​គ្រាន់​​​ទេ​​​”។ ជន​​​ភៀស​​​ខ្លួន​​​រូប​​​នេះ​​​​​​បាន​​​និយាយ​​​ទុក​​​ជា​​​សារ​​​មួយ​​​ផ្តាំ​​​ផ្ញើ​​​ទៅ​​​​​​អ្នក​​​ទាំង​​​ឡាយ​​​ ដែល​​​កំពុង​​​ត្រូវ​​​​​​ប្រទេស​​​អូស្ត្រាលី​​​បំពេញ​​​បែប​​​បទ​ឲ្យ​ថា “នេះ​​​ជា​​​ប្រទេស​​​ពុក​​​រលួយ​​​។ អ្នក​​​រក​​​ការ​​​ធ្វើ​​​មិន​​​បាន​​​ទេ​​​។ ​​​រង់​​​ចាំ​​​នៅ​​​ប្រទេស​​​ណូរូ​​​ប្រសើរ​​​ជាង​​​។ ការ​​​រស់​​​នៅ​​​អន់​​​ណាស់​​​ក្នុង​​​ប្រទេស​​​កម្ពុជា​​​។ គ្មាន​​​អនាគត​​​ទេ​​​។ យើង​​​អាច​​​រស់​​​រាន​​​មាន​​​​​ជីវិត​​​មែន​​​ ប៉ុន្តែ បាន​​​តែ​​​ប៉ុណ្ណឹង​​​ទេ”។ យោង​​​តាម​​​របាយការណ៍​​​ចេញ​​​កាល​​​ពី​​​ថ្ងៃ​​​សុក្រ​​​​​​ឲ្យ​​​ដឹង​​​ថា ការ​​​លំបាក​​​ជា​​​ច្រើន​​​​​​ចំពោះ​​​មុខ​​​ជន​​​ស្វែង​​​រក​​​សិទ្ធិ​​​ជ្រក​​​កោន​​​ គឺ​​​ជា​​​លទ្ធផល​​​ផ្ទាល់​​​​​​នៃ​​​ការ​​​ខក​​​ខាន​​​របស់​​​រដ្ឋាភិបាល​​​​​​មិន​​​ផ្តល់​​​ឲ្យ​​​ពួក​​​គេ​​​នូវ​​ប័ណ្ណ​​​ស្នាក់​​​នៅ​​​ ឬ​​​ឯកសារ​​​សញ្ជាតិ​​​ ទុក​​​ឲ្យ​​​ពួក​​​គេ​​​មិន​​​អាច​​​ធ្វើ​​កិច្ចការ​ដូច​​​ជា​​​ ការ​​​បើក​​​គណនី​​​ធនាគារ​​​ ឬ​​​ទិញ​​​ស៊ីម​​​កាត​​​ទូរស័ព្ទ​​​បាន​​​ឡើយ​​​។ ជន​​​ភៀស​​​ខ្លួន​​​ម្នាក់​​​ទៀត​​​ ដែល​​​សុំ​​​មិន​​​ប្រាប់​​​ឈ្មោះ​​​ដែរ​​​​​​បាន​​​និយាយ​​​ថា “ខ្ញុំ​​​បាន​​​ព្យាយាម​​​រក​​​ការ​​​ងារ​​​ធ្វើ​​​​​​ជា​​​កម្មករ​​​នៅ​​​សណ្ឋាគារ និង​​​ភោជនីយដ្ឋាន​​​ ប៉ុន្តែ គ្មាន​​​នរណា​​​ជួល​​​ខ្ញុំ​​​ទេ​​​ ដោយ​​​សារ​​​ខ្ញុំ​​​មិន​​​មាន​​​ឯកសារ​​​ត្រឹម​​​ត្រូវ​​​”។ នៅ​​​ក្នុង​​​ចំណាត់​​​ការ​​​​​​​​​ដ៏​​​ចម្រូង​​​ចម្រាស​​​មួយ​​​ ប្រទេស​​​ទាំង​​​ពីរ​​​បាន​​​ចុះ​​​​​​អនុស្សរណៈ​​​នៃ​​​ការ​​​យោគ​​​យល់​​​​​​មួយ​​​កាល​​​ពី​​​ខែ​​​កញ្ញា ដែល​​​មាន​​​ខ្លឹម​​​សារ​​​ថា ជន​​​ភៀស​​​​​​ខ្លួន​​​មួយ​​​ចំនួន​​​ដែល​​​ស្វែង​​​រក​​​សិទ្ធិ​​​ជ្រក​​​កោន​​​នៅ​​​ប្រទេស​​​អូស្ត្រាលី​​​ នឹង​​​ត្រូវ​​​​​​គេ​​​បញ្ជូន​​​មក​​​ប្រទេស​​​កម្ពុជា​ជា​ជំនួស​វិញ​ប៉ុន្តែ​ផ្អែក​​​លើ​​​ការ​​​ស្ម័គ្រ​​​ចិត្ត​​​តែ​​​ប៉ុណ្ណោះ។ ទោះ​​​ជា​​​មាន​​​ការ​​​អះ​​​អាង​​​នៅ​​​ពេល​​​នោះ​​​ថា ឧត្តម​​​ស្នង​​​ការ​​​អង្គការ​​​សហ​​​ប្រជា​​​ជាតិ​​​ទទួល​​​បន្ទុក​​​ជន​​​ភៀស​​​ខ្លួន (UNHCR)​​​ នឹង​​​ជួយ​​​អនុវត្ត​​​កិច្ច​​​ព្រមព្រៀង​​​ ដែល​​​រួម​បញ្ចូល​​​ទឹក​ប្រាក់​​​៣៥​​​លាន​​​ដុល្លារ​​បន្ថែម​​​​​​ជា​​​ជំនួយ​​​អភិវឌ្ឍន៍​​​​​​​​​ពី​​​ប្រទេស​​​អូស្ត្រាលី​​​សម្រាប់​​​រយៈ​​​ពេល​​​បួន​​​ឆ្នាំ​​​ក្តី ក៏​​​ UNHCR បាន​​​បដិសេធ​​​​​​ថា​​​មិន​​​ជាប់​​​ពាក់​​​ព័ន្ធ​​​ក្នុង​​​កិច្ច​​​ព្រមព្រៀង​​​នេះ​​​ទេ​​​ ផ្ទុយ​​​ទៅ​​​វិញ​​​បាន​​​ហៅ​​​កិច្ច​​​ព្រមព្រៀង​​​នេះ​​​ថា “ជា​​​ការ​គួរ​​​​ឲ្យ​ព្រួយ​​​បារម្ភ​​​​​​ខ្លាំង​​​”។ អង្គការ​​​សិទ្ធិ​​​មនុស្ស​​​ HRW បាន​​​លើក​​​ឡើង​​​ក្នុង​​​របាយការណ៍​​​របស់​​​ខ្លួន​​​ថា ជន​ភៀស​​​ខ្លួន​​​៦៣​​​នាក់​​​ដែល​​​នៅ​​​ក្នុង​​​ប្រទេស​​​កម្ពុជា​​​ស្រាប់​​​ កំពុង​​​រស់​​​នៅ​​​ក្នុង​​​​​​ស្ថាន​​​ភាព​​​គ្រោះ​​​ថ្នាក់​​​បំផុត។ អ្នកស្រី​​​ Elaine Pearson ​​នាយិកា​​​អង្គការ​​​សិទ្ធិ​​​មនុស្ស​​​ HRW ​​​ប្រចាំ​​​ប្រទេស​​​អូស្ត្រាលី ​បាន​​​ឲ្យ​​​ដឹង​​​ក្នុង​​​សេចក្តី​​​ប្រកាស​​​មួយ​​​ថា ​​​”រដ្ឋាភិបាល​​​អូស្ត្រាលី​​​មិន​​​គួរ​​​ធ្វើ​​​ឲ្យ​​​ជន​​​ភៀស​​​ខ្លួន​​​នៅ​​​ប្រទេស​​​ណូរូ​​​​​​កាន់​​​តែ​​​រង​​​ទុក្ខ​​​ថែម​​​ទៀត​​​ដោយ​​​យក​​​ពួក​​​គេ​​​ទៅ​​​​​​ចាក់​​​ចោល​​​​​​​​​នៅ​​​កន្លែង​​​មួយ​​​ដែល​​​មិន​​​អាច​​​​​​តាំង​​​ទី​​​លំនៅ​​​ជា​​ថ្មី​​​សមរម្យ ឬ​​​បញ្ចូល​​​ពួក​​​គេ​​​ក្នុង​​​សង្គម​​​បាន​​​”។ លោក​​​ស្រី Pearson បាន​​​បន្ថែម​​​ថា “ប្រទេស​​​កម្ពុជា​​​គួរ​​​កែ​​​សម្រួល​​​កិច្ច​​​ការ​​​ពារ​​​ជន​​​ភៀស​​​​​​ខ្លួន​​​និង​​​គម្រោង​​​សេវា​​​គាំទ្រ​​ដែល​ខ្វះ​ចន្លោះ​​ មុន​​​ពេល​​​ទទួល​​​យក​​​ជន​​​ភៀស​​​ខ្លួន​​​ណា​​​ម្នាក់​​​ពី​​​ប្រទេស​​​ណូរូ​​​ ហើយ​​​រដ្ឋាភិបាល​​​អូស្ត្រាលី​​​គួរ​ជួយ​ជំរុញ​រឿង​នេះ”។ លោក​​​ ខៀវ សុភ័គ អ្នក​​​នាំ​​​ពាក្យ​​​ក្រសួង​​​មហាផ្ទៃ​​​​​​បាន​​​បដិសេធ​​​របាយការណ៍​​​របស់​​អង្គការ​ HRW ដែល​​​លោក​​​បាន​​​មាន​​​ប្រសាសន៍​​​ថា មិន​​​បាន​​​ឆ្លុះ​​​បញ្ចាំង​​​ស្ថាន​​​ការណ៍​​​ពិត​​​ប្រាកដ​​​​​​ក្នុង​​​ប្រទេស​​កម្ពុជា។ លោក​​​បាន​​​មាន​​​ប្រសាសន៍​​​ថា “វា​​​ជា​​​ការ​​​ធម្មតា​​​ទៅ​​​ហើយ​​​ចំពោះ​​​ការ​​​ថ្លែង​​​របស់​​​អង្គការ​​​សិទ្ធិ​​​មនុស្ស​​​ HRW ដែល​​​និយាយ​​​បញ្ហា​​​នេះ​​​អំពី​​​ប្រទេស​​​កម្ពុជា​​​”។ លោក សុភ័គ បាន​​​កត់​​​សម្គាល់​​​ថា មិន​​​មែន​​​តែ​​​ជន​​​ភៀស​​​ទេ ដែល​​​ជួប​​​ការ​​​លំបាក​​​ក្នុង​​​ការ​​​ទទួល​​​បាន​​​ការ​​​ងារ​​​បាន​​​ប្រាក់​​​ខែ​​​ច្រើន​​​ក្នុង​​​ប្រទេស​​​នេះ​​​ទេ​​​ ដោយ​​​លោក​​​បាន​​​បន្ថែម​​​ថា ប្រទេស​​​ជា​​​ច្រើន​​​ផ្សេង​​​ទៀត​​​ ក៏​​​ប្រឈម​​​​​​នឹង​​​​​​ការ​​​ខ្វះ​​​ជម្រើស​​​ការ​​​ងារ​​​ ដែល​​​បាន​​​ប្រាក់​​​ខែ​​​ច្រើន​​​ដែរ។ លោក​​​បាន​​​ឲ្យ​​​ដឹង​​​ថា “​​​បើ​​​ពួក​​​គេ​​​ [ជន​​​ភៀស​​​ខ្លួន​​​]​​​​​​ ទៅ​​​រក​​​ការ​​​ងារ​​​ធ្វើ​​​ ពួក​​​​​​គេ​​​អាច​​​រក​​​បាន​​​ ប៉ុន្តែ ការ​​​ងារ​​​ដែល​​​មាន​​​ប្រាក់​​​ខែ​​​ច្រើន​​​ ជា​​​​​​ធម្មតា​​​ [រក​​​មិន​​​បាន​​​ទេ​​​​​​]”។ នៅ​​​ពេល​​​សួរ​​​ថា តើ​​​ប្រទេស​​​កម្ពុជា​​​មាន​​​សមត្ថភាព​​ទទួល​យក​​​​ជន​​​ភៀស​​​ខ្លួន​ថែមទៀតឬ​ទេ​ លោក សុភ័គ មាន​​​ប្រសាសន៍​​​ថា រដ្ឋាភិបាល​បាន​ពិចារណា​បញ្ហា​នេះ​​​​ច្រើន​ណាស់​មក​ហើយ។ លោក​​​បាន​​​ឲ្យ​​​ដឹង​​​ទៀត​​​ថា “យើង​​​ [បាន​​​ពិចារណា] យ៉ាង​​​ហ្មត់ចត់​​​អំពី​​​បញ្ហា​​​នេះ​​​ថា​​​ តើ​​​ទទួល​​​យក​​​ជន​​​ភៀស​​​ខ្លួន​​​ ថា​​​តើ​​​ចុះ​​​កិច្ច​​​ព្រមព្រៀង​​​ជា​​​មួយ​​​ប្រទេស​​​អូស្ត្រាលី​​​ឬ​យ៉ាង​ណា”។ “យើង​​​នឹង​​​បន្ត​​​ទៅ​​​ទៀត​​​ នេះ​​​ជា​​​សេចក្តី​​​សម្រេច​​​របស់​​​រដ្ឋាភិបាល​​​”៕មានិត​​​  

លោក សម រង្ស៊ី ប្រធាន​​​គណបក្ស​​​សង្គ្រោះ​​​ជាតិ​​​បាន​​​មាន​​​ប្រសាសន៍​​​កាល​​​ពី​​​ថ្ងៃ​​​សុក្រ​​​ថា ​​​គណបក្ស​​​លោក​​​នឹង​​​ព្យាយាម​​​ជួយ​​​ដោះ​​​លែង​​​​​​លោក មាជ សុវណ្ណារ៉ា មន្ត្រី​​​គណបក្ស​​​នេះ​​​ដែល​​​កំពុង​​​ជាប់​​​ពន្ធនាគារ ​​​តាម​​​រយៈ​​​ការ​​​ដំឡើង​​​តំណែង​​​​​​លោក​​​ឲ្យ​​​ក្លាយ​​​ជា​​​តំណាង​​​រាស្ត្រ​​​ដើម្បី​​​ឲ្យ​​​លោក​​​​​​ទទួល​​​បាន​​​អភ័យ​​​ឯកសិទ្ធិ​​​សភា​​​។​​​​​​ លោក មាជ សុវណ្ណារ៉ា ដែល​​​ជា​​​ប្រធាន​​​នាយក​​​ដ្ឋាន​​​ព័ត៌​​​មាន​​​របស់​​​គណបក្ស​​​សង្គ្រោះ​​​ជាតិ​​​ត្រូវ​​​បាន​​​ចាប់​​​ខ្លួន​​​នៅ​​​ក្នុង​​​រាជ​​​ធានីភ្នំពេញ​​​កាល​​​ពីថ្ងៃ​​​ទី​​​១១​​​ ខែវិច្ឆិកា តា​​​ម​​​ដីកា​​​ឃាត់​​​ខ្លួន​​​​​​របស់​​​តុលាការ​​​ពីបទ​​​ “ចូល​​​រួម​​​កុបកម្ម​​​” ជាបទ​​​​​​ចោទ​​​ប្រកាន់​​​​​មួយ​​​ដែល​​​ពាក់​​​ព័ន្ធ​​​នឹង​​​ហេតុការណ៍​​​ប៉ះ​​​ទង្គិច​​​ហិង្សា​​អំឡុង​​​ពេល​​​តវ៉ា​​​មួយ​​​នៅ​​​ជិត​​​ទីលាន​​​ប្រជា​​​ធិបតេយ្យ​​​​​​កាល​​​ពី​​​ថ្ងៃ​​​ទី​​​១៥ ខែ​​​កក្កដា​​​។ លោក​​​ សម រង្ស៊ី បាន​​​មាន​​​ប្រសាសន៍​​​ថា “​​​យើង​​​នឹង​​​រៀប​​​ចំ​​​ឲ្យ​​​លោក មាជ សុវណ្ណារ៉ា ​​​ទទួល​​​យក​​​មុខ​​​តំណែង​​​ជា​​​សមាជិក​​​សភា​​​ ពីព្រោះពេល​​​នេះ​​​គាត់​​​មិន​​​ទាន់​​​ជាប់​​​ឆ្នោត​​​​​​នៅ​​​​​​ឡើយ​​​ទេ ប៉ុន្តែ មាន​​​មនុស្ស​​​ម្នាក់​​​ផ្សេង​​​ទៀត​​​ដែល​​​គាត់​​​អាច​​​ជំនួស​​​បាន​​​”។ ដើម្បី​​​ឲ្យ​​​លោក មាជ សុវណ្ណារ៉ា អាច​​​ក្លាយ​​​ជា​​​តំណាង​​​រាស្ត្រ​​​បាន​​​ តំណាង​​​រាស្ត្រ​​​​​​មួយ​​​រូប​​​ក្នុង​​​ចំណោម​​​តំណាង​​​រាស្ត្រ​​​ពីរ​​​រូប​​​​​​របស់​​​គណបក្ស​​​សង្គ្រោះ​​​ជាតិ​​​មក​​​ពី​​​ខេត្ត​​​បន្ទាយ​​​មាន​​​ជ័យ​​​ កន្លែង​​​ដែល​​​លោក មាជ សុវណ្ណារ៉ា  ជាប់​​​ជា​​​បេក្ខ​​​ជន​​​លេខ​​​រៀង​​​ទី​​​៣​​​នៅ​​​ក្នុង​​​ការ​​​បោះ​​​ឆ្នោត​​​ជ្រើស​​​តាំង​​​តំណាង​​​រាស្ត្រ​​​កាល​​​ពី​​​ឆ្នាំ​​​មុន ត្រូវ​​​តែ​​​លា​​​លែង​​​ពី​​​តំណែង​​​។ លោក​​​ សម រង្ស៊ី បាន​​​មាន​​​ប្រសាសន៍​​​ថា លោក យន់ ថារ៉ូ ​​​ដែល​​​បច្ចុប្បន្ន​​​ជា​​​សមាជិក​​​សភា​​​ទី​​​២​​​នៅ​​​ក្នុង​​​ខេត្ត​​​នេះ​​​ នឹង​​​ត្រូវ​​​ស្នើ​​​ឲ្យ​​​ទទួល​​​យក​​​សំណើ​​​នេះ។ លោក​​​មាន​​​ប្រសាសន៍​​​ទៀត​​​ថា “យើង​​​កំពុង​​​ចរចា​​​ជា​​​មួយ​​​គាត់​​​ បញ្ចុះ​​​បញ្ចូល​​​ឲ្យ​​​គាត់​​​ជួយ​​​សង្គ្រោះ​​​សហសេវិក​​​របស់​​​គាត់​​​ដើម្បី​​​ឲ្យ​​​យើង​​​អាច​​​រក​​​មុខ​​​តំណែង​​​សមរម្យ​​​មួយ​​​ទៀត​​​សម្រាប់​​​តំណាង​​​រាស្ត្រ​​​រូប​​​នោះ​​​”។ លោក​​​បាន​​​បន្ថែម​​​ថា ដំណើរ​​​ការ​​​នេះ​​​អាច​​​នឹង​​​​​​ត្រូវ​​​ការ​​​ពេល​​​វេលា​​​ខ្លះ​​​។​​​​​​​​​ ប៉ុន្តែ​​​ លោក​​​បាន​​​​​​មាន​​​ប្រសាសន៍​​​ថា ផែនការ​​​នេះ​​​ប្រាកដ​​​ជា​​​បាន​​​ផល​​​ ដោយ​​​លោក​​​បាន​​​លើក​​​ឡើង​​​ពីស្ថាន​​​ភាព​​​របស់​​​តំណាង​​​រាស្ត្រ​​​ប្រាំពីរ​​​រូប​​​​​​របស់​​​គណបក្ស​​​សង្គ្រោះ​​​ជាតិ ដែល​​​ត្រូវ​​​បាន​​​ចាប់ខ្លួន​​​ដែរ​​​ជុំ​​​វិញ​​​ហេតុ​​​ការណ៍​​​ប៉ះទង្គិច​​​គ្នា​​​កាល​​​ពីថ្ងៃ​​​ទី​​​១៥​​​ ខែ​​​កក្កដា និង​​​​​​ដែល​​​ត្រូវ​​​បាន​​​​​​ដោះ​​​លែង​​​វិញ បន្ទាប់​​​ពី​​​លោក​​​បាន​​​ចុះ​​​កិច្ច​​​ព្រមព្រៀង​​​មួយ​​​កាល​​​ពីថ្ងៃ​​​ទី​​​២២​​​ ខែ​​​កក្កដា ជា​​​មួយ​​​លោក​​​នាយ​​ក​​​រដ្ឋ​​​មន្ត្រី​​​ ហ៊ុន សែន ដើម្បី​​​បញ្ចប់​​ការ​​​ធ្វើ​​​ពហិការ​​​មិន​​​ចូល​​​សភា​​​របស់​​​គណបក្ស​​​ប្រឆាំង​​​។ លោក​​​បាន​​​មាន​​​ប្រសាសន៍​​​ទៀត​​​ថា “នេះ​​​គឺ​​​ជា​​​ច្បាប់​​​ ជា​​​វិធាន​​​ដែល​​​ [គណៈកម្មាធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​] ទទួល​​​ស្គាល់​​​ រដ្ឋសភា​​​ និង​​​រដ្ឋាភិបាលក៏​​​​​​ទទួល​​​ស្គាល់​​​ នៅ​​​ពេល​​​យើង​​​មាន​​​អភ័យ​​​ឯក​​​សិទ្ធិ​​​ពាក់​​​ព័ន្ធ​​​​​​មុខ​​​តំណែង​​​របស់​​​តំណាង​​​​​​រាស្ត្រ​​​យើង ​​​ពេល​​​នោះ​​​ដំណើរ​​​ការ​​របស់​​​តុលាការ​​​ត្រូវ​​​តែ​​​បញ្ឈប់​​​។ ​​​បើ​​​តំណាង​​​រាស្ត្រ​​​រូប​​​នោះ​​​ជាប់​​​ពន្ធនាគារ​​​ ត្រូវ​​​តែ​​​ដោះ​​​លែង​​​រូបគាត់​​​វិញ​​​”។ នៅ​​​ក្នុងសុន្ទរកថា​​​មួយ​​​កា​​​ល​​​ពីថ្ងៃ​​​ព្រហស្បតិ៍​​​លោក ហ៊ុន សែន បាន​​​មាន​​​ប្រសាសន៍​​​ថា “កិច្ច​​​ព្រម​​​ព្រៀង​​​កាល​​​ពីថ្ងៃ​​​ទី​​​២២​​​ ខែ​​​កក្កដា មិន​​​បាន​​​បញ្ចប់​​​រឿង​​​ក្តី​​​នៅ​​​តុលាការ​​​ទេ​​​” ហើយ​​​មាន​​​ប្រសាសន៍​​​ថា តំណាង​​​រាស្ត្រ​​​ទាំង​​​នោះ​​​នឹង​​​ត្រូវ​​​នាំ​​​ខ្លួន​​​មក​​​កាត់​​​ទោស​​​ ពេល​​​អស់​​​អភ័យ​​​ឯកសិទ្ធិ​​​”។ លោក សុខ សំអឿន ​​​មេធាវី​​​ការ​​​ពារ​​​សិទ្ធិមនុស្ស​​​ដ៏​​​លេចធ្លោ​​​មួយ​​​រូប ​​​បាន​​​មាន​​​ប្រសាសន៍​​​ថា តាម​​​ផ្លូវ​​​ច្បាប់​​​ ផែន​​​ការ​​​របស់​​​គណបក្ស​​​ប្រឆាំង​​​គួរ​​​តែ​​​អាច​​​ទៅ​​​រួច​​​។​​​សំដៅ​​​ដល់​​​ប្រភេទ​​​បទ​​​​​​ល្មើស​​​ដែល​​​​​​អាច​​​ដក​​​អភ័យ​​​ឯកសិទ្ធិ​​​តំណាង​​​រាស្ត្រ​​​បាន លោក​​​បាន​​​មាន​​​ប្រសាសន៍​​​ថា “ខ្ញុំ​​​គិត​​​ថា ពួក​​​គាត់​​​អាច​​​ធ្វើ​​​បែ​​​ប​​​នោះ​​​បាន​​​ ពីព្រោះ​​​​​​នេះ​​​មិន​​​មែន​​​ជា​​​បទ​​​ឧក្រិដ្ឋ​​​ ហើយ​​​ក៏​​​​​​មិន​​​​​​មែន​​​ជា​​​បទ​​​ល្មើស​​​ជាក់​​​ស្តែង​​​”។ ទោះ​​​ជា​​​យ៉ាង​​​ណា លោក​​​ ព្រុំ សុខា រដ្ឋលេខាធិការ​​​ក្រសួង​​​មហាផ្ទៃ​​​ ដែល​​​ជា​​​បុគ្គល​​​ដ៏​​​សំខាន់​​​នៅ​​​ក្នុង​​​ការ​​​ចរចា​​​នយោបាយ​​​ជា​​​មួយ​​​គណបក្ស​​​សង្គ្រោះ​​​ជាតិ​​​ក្នុង​​​រយៈ​​​ពេល​​​មួយ​​​ឆ្នាំ​​​មក​​​នេះ ​​​បាន​​​មាន​​​ប្រសាសន៍​​​ថា វា​​​ឆាប់​​​រហ័ស​​​ពេក​​​ដូច្នេះ​​​​​​​​​មិន​​​អាច​​​និយាយ​​​បាន​​​ថា តើ​​​ចំណាត់​​​ការ​​​នេះ​​​នឹង​​​ឈាន​​​ដល់​​​ការ​​​ដោះ​​​លែង​​​លោក មាជ សុវណ្ណារ៉ា ឬ​​​យ៉ាង​​​ណា​​​ទេ​​​ ។ លោក​​​បាន​​​មាន​​​ប្រសាសន៍​​​បន្ត​​​ថា “វា​​​ឆាប់​​​រហ័ស​​​ពេក​​​​​​ក្នុង​​​ការ​​​និយាយ​​​​​​អំពី​​​បញ្ហា​​​នេះ”៕សុខុម​​​​​​  

អគ្គិសនី​កម្ពុជា​បាន​ចេញ​សេចក្តី​ប្រកាស​ព័ត៌មាន​មួយ​កាលពី​ថ្ងៃ​ព្រហស្បតិ៍ ដោយ​បដិសេធ​ការ​អះអាង​ដែល​ថា អគ្គិសនី​ដែល​ផលិត​បាន​ដោយ​ទំនប់​វារីអគ្គិសនី​ស្ទឹង​តាតៃ​កម្លាំង​២៤៦​មេហ្គាវ៉ាត់​ក្នុង​ខេត្ត​កោះកុង​មិន​ទាន់​បាន​ប្រើប្រាស់ ហើយ​បាន​អះអាង​ថា គម្រោង​នេះ​កំពុង​ស្ថិត​ក្នុង​”ដំណាក់កាល​សាកល្បង”។​​​​​​ សេចក្តី​ប្រកាស​ព័ត៌មាន​ចេញ​ដោយ​អគ្គិសនី​កម្ពុជា (EdC) ផ្ទុយពី​ការ​អះអាង​ធ្វើ​ឡើង​ដោយ​លោក អិុត ប្រាំង រដ្ឋលេខា​ធិការ​ក្រសួងរ៉ែ​និង​ថាមពល។ ក្នុង​កិច្ច​សម្ភាសន៍​មួយ​កាលពី​ដើមខែ​នេះ លោក អិុត ប្រាំង បាន​មាន​ប្រសាសន៍​ថា ចាប់​តាំងពី​ទំនប់​វារីអគ្គិសនី​តាតៃ​បាន​ដំណើរ​ការ​នៅ​ពាក់​កណ្តាល​ខែ​សីហា​មក អគ្គិសនី​ដែល​ផលិត​ “មិន​ត្រូវ​បាន​ចែកចាយ​ទេ” ដោយសារ​តំបន់​នោះ​ខ្វះ​ហេដ្ឋារចនា​សម្ពន្ធ​ដែល​ចាំបាច់។ សេចក្តី​ប្រកាស​ព័ត៌មាន​របស់​អគ្គិសនី​កម្ពុជា​បាន​ឲ្យ​ដឹង​ថា “គម្រោង​នេះ​កំពុង​ត្រូវ​សាកល្បង និង​មិន​ទាន់​រួច​រាល់​នៅ​ឡើយ​ទេ”។ សេចក្តី​ប្រកាស​បាន​បន្ថែម​ទៀត​ថា ទំនប់​នេះ​នឹង​ត្រូវ​ដាក់​ឲ្យ​ដំណើរការ​នៅ​ដើម​ឆ្នាំ​ក្រោយ និង​បាន​បញ្ជាក់​ទៀត​ថា “ដូច្នេះ គ្មាន​ថាមពល​បាត់បង់ ហើយ​ក៏​គ្មាន​បាត់បង់​ចំណូល​រាជរដ្ឋាភិបាល​ដែរ”។ នៅ​ពេល​ទាក់ទង​កាលពី​ព្រហស្បតិ៍ លោក អិុត ប្រាំង បាន​មាន​ប្រសាសន៍​ជាថ្មី​ទៀត​ថា ទំនប់​តាតៃ​បាន​ផលិត​អគ្គិសនី​លើស​តម្រូវ​ការ។ លោក​មាន​ប្រសាសន៍​ថា “យើង​មាន​អគ្គិសនី​ដែល​មាន​កម្លាំង​លើស​សមត្ថភាព​ខ្សែ​បញ្ជូន​ថាមពល​បច្ចុប្បន្ន​នៅ​រដូវ​វស្សា ហើយ​ថាមពល​អគ្គិសនី​នេះ​មិន​ទាន់​ត្រូវ​បាន​ប្រើប្រាស់​ទេ”។ លោក​បាន​បន្ថែម​ថា “យើង​មិន​ទាន់​មាន​ខ្សែ​ស្រូប​និងបញ្ជូន​ចេញ​ដើម្បី​ប្រើ​និង​ចែកចាយ [អគ្គិសនី]​នៅឡើយ”។ លោក កែវ រតនៈ អគ្គ​នាយក​អគ្គិសនី​កម្ពុជា មិន​អាច​ទាក់ទង​បាន​ទេ​កាលពី​ថ្ងៃ​ព្រហស្បតិ៍។ អំឡុង​សុន្ទរកថា​មួយ​កាលពី​ថ្ងៃ​ទី​៦​ខែ​តុលា នៅ​សន្និសីទ​ព័ត៌មាន​ស្តីពី​ការ​វិនិយោគ​អន្តរជាតិ លោក​នាយក​រដ្ឋ​មន្ត្រី ហ៊ុន សែន បាន​មាន​ប្រសាសន៍​ថា ការ​អភិវឌ្ឍ​ទំនប់​វារីអគ្គិសនី​ជាច្រើន​នៅ​ក្នុង​ប្រទេស​នេះ​បាន​ឈាន​ទៅ​រក​ការ​លើស​ថាមពល​អំឡុង​រដូវ​វស្សា​ឆ្នាំ​នេះ។ លោក ហ៊ុន […]

មន្ត្រី​មួយរូបនៅ​ការិយាល័យ​អាំងទែប៉ូល​របស់​កម្ពុជា​ បាន​បញ្ជាក់​កាលពី​ម្សិលមិញ​ថា អាជ្ញាធរ​ថៃ​ បាន​ទាក់​ទង​មក​ការិយាល័យ​របស់​លោក​ដើម្បី​សុំជំនួយ​​តាម​ស្វែង​រក​ជនជាតិ​អាមេរិក​ពីរ​នាក់​ ដែល​ជាប់​ចោទ​ថា​បាន​ប៉ុន​ប៉ង​​ដឹកជញ្ជូន​បំណែក​សាកសព​មនុស្ស​​ ដែល​ពួកគេ​បាន​លួច​ពី​ក្រុង​បាងកក​ ឆ្ពោះ​ទៅ​ប្រទេស​កំណើត​របស់​ពួកគេ​។ លោក​ លីម សុខារស្មី ​ដែល​ជា​ប្រធាន​ស្ដីទី​នៃ​ការិយាល័យ​នគរ​បាលអាំង​ទែប៉ូល​ បាន​មាន​ប្រសាសន៍​ថា លោក​បាន​ទាក់​ទង​ទៅ​អាជ្ញាធរ​ថៃ​​ ហើយ​បាន​​ប្រគល់​ឯកសារ​ពាក់​ព័ន្ធ​​ជន​សង្ស័យ​ឈ្មោះ រ៉ាយអែន អេដវើដ​ ម៉ាកភើសុន​ (Ryan Edward McPherson) និង​ ដានីញែល ធែនណឺ (Daniel Tanner) ​ទៅ​ផ្នែក​មួយ​ផ្សេង​ទៀត​រួច​ហើយ​។ លោក​បាន​មាន​ប្រសាសន៍​​ទៀត​ថា ” នគរ​បាលអាំងទែប៉ូល​ថៃ​ បាន​ទាក់​ទង​មក​យើង​កាល​ពី​ម្សិលមិញ ហើយ​ខ្ញុំ​បាន​បញ្ជូន​ឯកសារ​ទាំង​អស់​ទៅ​ថ្នាក់​លើ​រួច​ហើយ ហើយ​ខ្ញុំ​មិន​ដឹង​ថា​ផ្នែក​​ណាមួយ​នឹង​ទទួល​ការ​ចាត់​តាំង​ឲ្យ​ដោះ​ស្រាយ​ករណី​នេះ​ទេ” មុន​ពេល​លោក​បដិសេធ​មិន​ឆ្លើយ​សំណួរ​បន្ថែម​ទៀត ហើយ​បាន​បង្វែរ​សំណួរ​ទៅលោក​ គៀត ច័ន្ទថារិទ្ធ អ្នក​នាំពាក្យ​នគរ​បាល​ជាតិ​។ លោក គៀត ច័ន្ទថារិទ្ធ បាន​មាន​ប្រសាសន៍​ថា លោក​​ លីម សុខារស្មី មិន​បាន​ផ្ដល់​ព័ត៌មាន​បច្ចុប្បន្ន​ភាព​​ស្ដីអំពី​ករណី​នេះ​ដល់​រូប​លោក​ទេ។ លោក​បាន​មាន​ប្រសាសន៍​ទៀត​ថា “ខ្ញុំ​មិន​ទាន់​ដឹង​ទេ​។ ខ្ញុំ​បាន​ទូរស័ព្ទ​ [ទៅ​លោក សុខា រស្មី] ដើម្បី​សុំ​ព័ត៌មាន​បច្ចុប្បន្ន​ភាព​ស្ដីពី​ករណី​នេះ​ [កាលពី​ថ្ងៃ​ពុធ] ហើយ​គាត់​និយាយ​ថា គាត់​គ្មាន​ព័ត៌មាន​ទេ​ […]

The Cambodia Daily | All the News Without Fear or Favor | The Daily Newspaper of Record Since 1993