មន្ទីរពេទ្យ​ដ៏​ធំដែល​ឧបត្ថម្ភ​ដោយ​ប្រទេស​វៀត​ណាម​​​ នឹង​​ត្រូវ​សម្ពោធ​ឲ្យ​ដំណើរ​ការ​​​នៅ​ខែ​មករា​
ដោយ | November 1, 2013

មន្ត្រី​សាលា​រាជធានី​បាន​ឲ្យ​ដឹង​កាល​ពី​ថ្ងៃ​ពុធ​ថា បន្ទាប់​ពី​​ស្ថិត​ក្រោម​ការ​សាង​សង់​​ជាង​បី​ឆ្នាំ​មក​​ មន្ទីរពេទ្យ​ឯកជន​ចំណាយ​ប្រាក់​សាង​​​​​​​​​​សង់​អស់​១៥​លាន​ដុល្លារ​​ក្នុង​រាជធានី​ភ្នំពេញ​​ ដែលទទួល​បាន​ការ​​​ឧបត្ថម្ភ​រួម​គ្នា​​ដោយ​មន្ទីរពេទ្យ​ចារី​​ដ៏​ល្បី​ក្នុង​ទីក្រុង​ហូជីមិញ និង​​ក្រុម​ហ៊ុន​ស៊ូគីមិុចនោះ​​​​ នឹង​ត្រូវ​​​សម្ពោ​​​ធ​​ឲ្យ​ដំណើរ​ការ​ជា​ផ្លូវ​ការ​នៅ​​ខែ​មករា​។

លោក​ ប៉ា សុជាតិ​វង្ស អភិបាល​​រាជ​ធានី​ភ្នំពេញ ​​បាន​លើក​ឡើង​​អំឡុង​កិច្ច​ប្រជុំ​នៅ​សាលា​រាជធានី​​កាល​ពី​ថ្ងៃ​ពុធ​ថា មន្ទីរពេទ្យ​ភ្នំពេញ​ចារី​ដែល​សាង​សង់​​ឡើង​​លើ​​​​ដី​មួយ​កន្លែង​​ទំហំ​៥ហិកតា ​ក្នុ​ង​សងា្កត់​និរោធ ខណ្ឌ​មានជ័យនោះ​​​ នឹង​ត្រូវ​សម្ពោ​​​ធ​​នៅ​ថ្ងៃ​ទី​១៣ ខែ​មករា​ ប៉ុន្តែ​​នឹង​​ចាប់​ផ្ដើម​​ផ្ដល់​សេវា​ព្យា​​​បាល​​​​​​​ជា​បណ្ដោះ​អាសន្ន​​​នៅ​ចុង​ខែ​នេះ​។
លោក​ បា៉ សុជាតិ​វង្ស បាន​មាន​ប្រសា​សន៍​​​​​​​ថា “ [លោក​នាយក​រដ្ឋ​មន្ត្រី​] ហុ៊ន​ សែន​ និ​ង [​ លោក​ ង្វៀន តានឌុង ] នាយក​រដ្ឋ​មន្ត្រី​វៀត​​​ណាម​​នឹង​​ធ្វើ​ជា​អធិបតី​​​នៅ​​ក្នុង​ពិធី​សម្ពោធ​​​ជា​​​ផ្លូវ​​​ការ​​​នេះ​”។

លោក​ សុខ​ គង់​ ប្រធាន​ក្រុមហ៊ុន​ស៊ូគីមិុច​ ដែល​បាន​ចូល​ហ៊ុន​​៣០​ភាគរយ​​នៅ​ក្នុង​​​ការ​សង​សង់​មន្ទីរ​ពេទ្យ​ថ្មី​នេះ ​​បាន​ឲ្យ​​​ដឹង​​​ថា ការ​សាង​សង​់​មន្ទីរពេទ្យ​នេះ​ គឺ​ធ្វើ​​​ឡើង​​​ក្នុង​​​​បំណង​​កាត់​បន្ថយ​​ការ​ចំណាយ​លើ​ការ​ធ្វើ​ដំណើរ​​របស់​​អ្នក​ជំងឺ​រាប់​ពាន់​នាក់​ ដែល​​​នាំគ្នា​​ទៅ​ប្រទេស​វៀត​ណាម​ ដើម្បីព្យាបាល​ជំងឺ​ជា​រៀង​រាល់​ឆ្នាំ​។

អ្នក​ជំងឺ​ណា​ដែល​មាន​លទ្ធភាព​គឺ​​​តែង​តែ​​ស្វែង​រក​​ការ​ព្យាបាល​​​នៅ​​មន្ទីរពេទ្យ​ឯកជន​​​ដែល​ស្ថិត​នៅ​ក្រៅ​ប្រទេស​កម្ពុជា​ ដោយ​ស្វែង​រក​​ជម្រើស​​ផ្សេង​​ជា​ជាង​ទទួល​​យក​ការ​ព្យាបាល​​​ក្រោម​សេវាសុខភាព​រដ្ឋ​ ដែល​មិន​សូវ​មាន​​បុគ្គលិក​ជំនាញ​ និង​មិន​សូវ​មាន​ការ​ឧប​ត្ថម្ភ​ឲ្យ​បាន​ពេញ​លេញ​នោះ​។

យោង​តាម​​សាលា​រាជធានី​បាន​ឲ្យ​ដឹង​ថា មន្ទីរពេទ្យ​ភ្នំពេញ​​ចារី​​ នឹង​​ផ្ដល​់​សេវា​ព្យា​បាល​​​​​​​ដូច​មន្ទីរពេទ្យ​​ចារី​ ដែល​មាន​​​គ្រែ​ចំនួន​១.២០០​នៅ​ក្នុង​ទីក្រុង​​ហូជីមិញ​ ប៉ុន្តែ​​នឹ​ងជួលតែ​​​វេជ្ជ​បណ្ឌិត​ និងគិលានុបដ្ឋាយិកា​​​កម្ពុជា​​ ដែល​​នឹង​​ទទួល​​​​​បាន​​​ការ​​​បំពាក់​បំប៉ន​បន្ថែម​ចំនួន​ប្រាំ​បី​នៅ​​​​ទីក្រុង​ហូជីមិញស្ដី​អំពី​​វិធី​​​​ព្យាបាល​ និង​រាក​់ទាក់​​អ្នក​​ជំងឺ​​​ប៉ុណ្ណោះ​។

លោក​ ឡុង​ ឌីម៉ង់​ អ្នក​នាំពាក្យ​សាលា​រាជ​ធានី​បាន​ឲ្យ​ដឹង​កាល​ពី​ម្សិលមិញ​ថា បុគ្គលិក​​មន្ទីរពេទ្យ​ឥឡូវ​​កំពុង​តែ​​​រៀប​ចំ​បរិក្ខា​ពេទ្យ​​ទំនើប​ៗ​ដាក់​ចូល​ក្នុង​មន្ទីរពេទ្យ​នេះ​​។
សេចក្ដីថ្លែង​ការណ៍​មួយដែល​​​​ចេញ​​ដោយ​សាលា​រាជធានី​​កាល​ពី​ថ្ងៃ​ពុធ​ មា​​​ន​​​ខ្លឹម​​​សារ​​​​ថា “វេជ្ជបណ្ឌិត​​មួយ​ក្រុម​មាន​គ្នា​​១៤​នាក់​នឹ​ង​ធ្វើ​ដំណើរ​​​ពី​ទីក្រុង​ហូជីមិញ​​ មក​កាន់​ប្រទេស​កម្ពុជា​នៅ​សប្ដាហ៍​ក្រោយ​ ដើម្បី​ត្រួត​ពិនិត្យ​បរិក្ខា​​ពេទ្យ​ទាំង​នេះ​”។

លោក​ ធា គ្រុយ​ រដ្ឋ​លេខាធិកា​រ​នៅ​ក្រសួង​សុខាភិបាល​ បាន​ឲ្យ​ដឹង​ថា ​​ទោះ​បី​ជា​មន្ទីរ​ពេទ្យ​​ភ្នំពេញ​ចារី​​ប្រើ​ឈ្មោះ​តែ​មួយ​​ដូច​មន្ទីរពេទ្យ​ចារី​នៅ​ក្នុង​ទីក្រុង​​ហូជីមិញ​ក៏​ពិត​​​មែន ប៉ុន្តែ​​​​អ្នក​ជំងឺ​មិន​រំពឹង​ថា នឹង​ទទួល​បាន​គុណភាព​ព្យា​បាល​ដូច​មន្ទីរពេទ្យ​​ដើម​នោះ​ទេ​។​

លោក ធា គ្រុយ ​​​មាន​ប្រសាសន៍​ថា“ មន្ទីរ​​​​​​ពេទ្យ​នេះ​​នឹង​ជួល​​វេជ្ជបណ្ឌិត​ និង​​គិលានុ​​​បដ្ឋា​​​យិកា​​​​​កម្ពុជា​ ហេតុ​ដូច្នេះ​​ខ្ញុំ​​មិន​ហ៊ាន​និយាយ​​ថា កា​រ​​​ព្យាបាល​​នឹង​មាន​​គុណ​​​ភាព​ខ្ពស់​​​ដូច​​​មន្ទីរ​ពេទ្យ​ចារី​​នៅ​ក្នុង​ប្រទេស​​វៀត​ណាម​​​ឡើយ​​​​ ព្រោះ​​​​​ពួក​គេ​ [វេជ្ជបណ្ឌិត​វៀតណាម​] សុទ្ធ​តែ​ទទួល​បាន​​ការ​អប់​រំ​​ និង​មាន​បទ​ពិសោ​ធន៍​ពី​ប្រទេស​​​​​​​​​​​​​​​​​​​បារំាង​ និង​ប្រទេស​អភិវឌ្ឍន៍​​ផ្សេង​ៗ​ទៀត​”៕​​​​​​ សុ៊យឈាង​

© 2013, ខេមបូឌា ដេលី. រក្សាសិទ្ធិគ្រប់យ៉ាង។ មិន​អនុញ្ញាត​ឲ្យ​ដក​ស្រង់​នូវ​ផ្នែក​ណា​មួយ​ នៃ​ការ​ចេញផ្សាយ​នេះ  តាម​រយៈ​ការ​បោះពុម្ព តាម​ប្រព័ន្ធ​អេឡិច​ត្រូនិច ផ្សាយ​តាម​រលក​ធាតុអាកាស  សរសេរ​ឡើង​វិញ ឬ​ចែកចាយ​ដោយ​គ្មាន​ការ​យល់ព្រម​ជា​លាយ​លក្ខណ៍​អក្សរ​ពី​ចាងហ្វាង​ការ​ផ្សាយ​ឡើយ។

ព័ត៌មាន​ថ្មីៗ

កាលពី​ខែ​ឧសភា​ឆ្នាំ​មុនបន្ទាប់ពី​កម្មករ​២​នាក់​ស្លាប់​ពេលដែល​ពិដាន​ធ្លាក់​លើនៅ​រោងចក្រវិងស្តាស៊ូក្នុង​ខេត្ត​កំពង់​ស្ពឺលោកអិុតសំហេងរដ្ឋ​មន្ត្រី​ក្រសួង​ការងារ​នា​ពេល​នោះ​បាន​មាន​ប្រសាសន៍​ថាក្រសួង​នានា​នឹង​”ពិនិត្យ​អគារ​រោងចក្រ​ទាំងអស់​ដែល​កំពុង​ប្រើ​សព្វ​ថ្ងៃ”។ ប៉ុន្តែ​កាលពី​ថ្ងៃ​អង្គារគឺ​រយៈ​១៧​ខែ​បន្ទាប់ពី​ការ​បាក់​ស្រុត​រោងចក្រ​ស្លាប់​មនុស្ស​នោះជាន់​ផ្ទាល់​ដី​នៅ​រោងចក្រនីស៊ីគូ Nishiku Enterprise របស់​ចិន​ក្នុង​ខេត្ត​តាកែវបានស្រុតបណ្តាល​ឲ្យ​កម្មករ​យ៉ាង​ហោចណាស់​៨​នាក់​រង​របួសជា​ហេតុ​ធ្វើ​ឲ្យ​មាន​កង្វល់​ជាថ្មី​ទៀត​អំពី​ការ​ខ្វះ​ស្តង់ដា​សំណង់​ក្នុង​វិស័យ​កាត់ដេរ​នៅ​កម្ពុជា។ យោងតាម​លោកស្រីជិលថាកឃើប្រធាន​ទីប្រឹក្សា​បច្ចេកទេស​សម្រាប់​កម្មវិធី​រោងចក្រ​ល្អ​ប្រសើរ​នៅ​កម្ពុជារបស់​អង្គការ​ពលកម្ម​អន្តរជាតិ​បាន​ឲ្យ​ដឹងថាហានិភ័យ​ជា​បន្ត​ដែល​បង្ក​ឡើង​ដោយ​សំណង់​គ្មាន​ស្តង់ដា​នៅ​តាម​អគារ​រោងចក្រ​ ត្រូវ​លើក​បង្ហាញ​ក្នុង​របាយការណ៍​មិន​បញ្ចេញ​ឲ្យ​ដឹង​មួយ​មាន​ឈ្មោះ​ថាអគ្គិភ័យ​វិស័យ​កាត់ដេរ​និង​ស្បែកជើងនិង​ហានិភ័យ​ចំពោះ​សុវត្ថិភាព​អគារ។ លោកស្រីថាកឃើបាន​មាន​ប្រសាសន៍​ថារបាយការណ៍ដែល​បាន​វាយ​តម្លៃ​រោងចក្រ​៩​កន្លែងនិង​ចងក្រង​ដោយ​អង្គការ​ពលកម្ម​អន្តរជាតិជាមួយ​នឹងសាជីវកម្ម​ហិរញ្ញវត្ថុ​អន្តរជាតិនិយាយ​លម្អិត​អំពី​”ការ​មិន​ដាក់​សរសៃ​ដែក​គ្រប់គ្រាន់​ក្នុង​សំណង់” គឺ​ជា​ការ​គំរាម​មួយ​ដល់​សុវត្ថិភាព​របស់​កម្មករដែល​លោក​ស្រីថាកឃើមាន​ប្រសាសន៍​ថាជា​មូលហេតុ​នៃ​ការ​បាក់​ស្រុត​កាលពី​ថ្ងៃ​អង្គារ។ លោកស្រី​បាន​មាន​ប្រសាសន៍​អំពី​មូលហេតុ​នៃ​ការ​បាក់​ស្រុតដែល​ក្នុង​ហេតុការណ៍​នោះជាន់​រោងចក្រ​ប្រវែង​៥០​ម៉ែត្រ​បាន​បាក់​ស្រុត​ចុះ​ប្រហែល​៣​ម៉ែត្រ​ចូល​ក្នុង​អាងទឹក​នៅ​ពីក្រោម​ ថា “នោះ​ហើយ​ជាអ្វី​ដែល​ពិតប្រាកដ​នោះ”។ លោកស្រី​មាន​ប្រសាសន៍​ថា “អ្វី​ដែល​របាយការណ៍​នេះ​លើកឡើង​ដែរគឺ​ការ​គ្មាន​ច្បាប់​និង​បទប្បញ្ញត្តិ​ផ្លូវការ​ពី​រដ្ឋាភិបាល​កម្ពុជាអាចជា​កត្តា​ធំ​ជាងគេដែល​បណ្តោយ​ឲ្យ​មាន​សំណង់​អន់ៗ]”។ តែទោះជា​យ៉ាង​នេះក្តីកម្មវិធី​រោងចក្រ​ល្អ​ប្រសើរ​មិន​ត្រួត​ពិនិត្យ​សំណង់​របស់​រោងចក្រ​ដែល​ខ្លួន​ធ្វើ​ការ​ជាមួយ​នោះ​ទេ។ដូច្នេះថ្វីបើ​អគារ​មាន​គុណភាពអន់​ក៏ដោយក៏រោងចក្រនីស៊ីគូទទួល​បាន​ពិន្ទុ​ដ៏​ល្អ​ក្នុង​សន្ទស្សន៍​តម្លាភាព​របស់​កម្មវិធី​រោងចក្រ​កាន់តែ​ប្រសើរដែល​តាម​ដាន​លក្ខខណ្ឌ​ការងារប្រាក់ខែនិង​វិធានការ​សុវត្ថិភាព​ដែរ។ លោកស្រីថាកឃើមាន​ប្រសាសន៍​ទៀត​ថាកម្មវិធី​រោងចក្រ​កាន់តែ​ប្រសើរ​មិន​ត្រួត​ពិនិត្យ​សំណង់រោងចក្រ​ទេដោយសារ​ការ​ខ្វះ​ច្បាប់​សំណង់​ស្តង់ដា​ក្នុង​ប្រទេស​កម្ពុជា។លោក​ស្រី​បាន​បន្ថែម​ថា “យើង​ពិនិត្យ​ទៅលើ​ស្តង់ដា​ក្នុង​ប្រទេស​នេះហើយ​ឥឡូវ​នេះមិន​មាន​ស្តង់ដា​ទេដូច្នេះនោះហើយ​ជា​បញ្ហា​ពិត​ប្រាកដ”។ លោកដេវវែលស៍នាយក​ប្រចាំ​ប្រទេស​នៃ​មជ្ឈមណ្ឌល​សាមគ្គីភាព Solidarity Center មាន​មូលដ្ឋាន​នៅ​អាមេរិកដែល​គាំទ្រ​សិទ្ធិ​កម្មករបាន​មាន​ប្រសាសន៍​ថាឧប្បត្តិហេតុ​កាលពី​ថ្ងៃ​អង្គារបាន​បញ្ជាក់​ឲ្យ​ឃើញ​ថាការ​សន្យា​ពី​មន្ត្រី​រដ្ឋាភិបាល​ចំពោះ​ការ​ពង្រឹង​ស្តង់ដា​អគារគឺឥត​ន័យ​តែ​ម្តង។ លោក​មាន​ប្រសាសន៍​ថា “អ្នក​បាន​គិត​ហើយ​ថាបន្ទាប់ពី​រយៈ​ពេល​មួយ​ឆ្នាំ​កន្លះនឹង​មាន​ការ​ប្រសើរ​ឡើង​ជា​ខ្លាំង។ជា​ទ្រឹស្តីខ្ញុំ​គិតថានាយកដ្ឋាន​គ្រប់គ្រង​ដែនដី​និង​ផែនការ​មាន​ការ​ទទួល​ខុសត្រូវ​បន្ថែមប៉ុន្តែក្នុង​ន័យ​ពង្រឹង​ច្បាប់ខ្ញុំ​មិន​ឃើញ​មាន​ការ​ប្រសើរ​ឡើង​ណាមួយ​ឡើយ”។ លោកវេលស៍មាន​ប្រសាសន៍​ថាគោល​នយោបាយ​កម្មវិធី​រោងចក្រ​កាន់តែ​ប្រសើរ​ដែល​មិន​ត្រួត​ពិនិត្យ​សំណង់​អគារ​រោងចក្រគឺ​”ទុក​ចន្លោះ​ប្រហោង​ដ៏​ធំ”​ទាក់ទិន​នឹង​ស្តង់ដា​សុវត្ថិភាព។ លោក​បាន​បន្ត​ទៀត​ថា ” កម្មវិធី​រោងចក្រ​កាន់តែ​ប្រសើរ​របស់​អង្គការ​ពលកម្ម​អន្តរជាតិ​មាន​ភារកិច្ច​ត្រួត​ពិនិត្យ​រោងចក្រប៉ុន្តែ​វា​មិន​មែន​ជា​ផ្នែក​មួយ​នៃ​ការ​ទទួល​ខុសត្រូវ​របស់​ខ្លួន​ទេហើយ​គេ​បើក​ចំហ​ណាស់​អំពី​បញ្ហា​នេះដើម្បី​វាយ​តម្លៃ​ភាព​ត្រឹមត្រូវ​រូបវន្ត​របស់​រោងចក្រ។ដូច្នេះប្រសិនបើ​រដ្ឋាភិបាល​មិន​ធ្វើ​ឲ្យ​ត្រឹម​ត្រូវវា​បង្កើត​ភាព​ងាយ​រងគ្រោះ​សម្បើម​ណាស់​ចំពោះ​កម្មករ”។ លោកចូអែលប្រេស្តុនទីប្រឹក្សា​ការងារ​មជ្ឈ​មណ្ឌលអប់រំ​ច្បាប់​សម្រាប់​សហគមន៍បាន​មាន​ប្រសាសន៍​ថាម្ចាស់​រោងចក្រ​និង​ក្រុមហ៊ុន​អន្តរជាតិ​ល្បីៗ​គួរ​ទទួល​ខុសត្រូវ​ចំពោះ​ឧបទ្ទវហេតុ​បែប​នេះប៉ុន្តែ​ថាក្រសួង​ការងារ​ទទួល​ខុសត្រូវ​ចុង​ក្រោយ។ លោក​បាន​លើកឡើង​ទៀតថា “យើង​ត្រូវ​ចងចាំ​ថាការ​ទទួល​ខុសត្រូវ​បឋម​ចំពោះ​បទប្បញ្ញត្តិ​សុវត្ថិភាព​ការងារ​នៃ​វិស័យ​កាត់ដេរគឺ​ស្ថិតលើ​រដ្ឋាភិបាល”។ លោកវង់សុវ៉ានអគ្គនាយក​រង​នៃ​នាយកដ្ឋានដោះស្រាយ​វិវាទ​ការងារ​នៅ​ក្រសួង​ការងារបាន​មាន​ប្រសាសន៍​កាលពី​ថ្ងៃ​ពុធ​ថាអាជ្ញាធរ​មាន​ផែនការ​ចុះ​ទៅ​ពិនិត្យ​រោងចក្រ​នៅ​សប្តាហ៍​នេះដោយសារ​មាន​ការ​ស្រុត​អគារ​កាលពី​ថ្ងៃ​អង្គារ។ លោក​បាន​បន្ថែម​ថា “គណៈកម្មការ​ជំនាញ​មួយ​នឹង​ទៅ​ពិនិត្យ​មិន​ត្រឹមតែ​អគារ​ស្រុត​នោះ​ប៉ុណ្ណោះ​ទេប៉ុន្តែ​យើង​ក៏​នឹង​ពិនិត្យ​រោងចក្រ​ផ្សេងទៀត​ដែរ”៕មានិត  

យោងតាម​ឯកសារ​ចម្លង​មួយ​ច្បាប់​ដែល​ទទួល​បាន​កាលពី​ថ្ងៃ​ពុធ​បាន​ឲ្យ​ដឹង​ថា ព្រះរាជ​ក្រឹត្យ​មួយ​ដែល​ចុះ​ហត្ថលេខា​ដោយ​លោក ជា ស៊ីម ប្រមុខរដ្ឋ​ស្តីទី បាន​សម្រេច​តែងតាំង​ទីប្រឹក្សា​និង​ជំនួយការ​៦៣​រូប​របស់​លោក​ ងួន ញ៉ិល អនុ​ប្រធាន​ទី២​នៃ​រដ្ឋសភា។ ការ​តែងតាំង​ថ្មី​ក្នុង​ព្រះរាជក្រឹត្យ​ ដែល​បាន​ចុះ​ហត្ថលេខា​ដោយ​លោក ជា ស៊ីម ពេល​ព្រះរាជ​អវត្តមាន​ព្រះ​មហាក្សត្រ នរោត្តម សីហមុនី កាលពី​ថ្ងៃ​ទី​១៥​ខែ​កញ្ញា រូម​មាន​សមាជិក​សភា​គណបក្ស​ប្រជាជន​កម្ពុជា លោក ញ៉ែម ថាវី និងលោក ស៊ីក ប៊ុនហុក។ ព័ត៌មាន​នៃ​ការ​តែងតាំង​ថ្មី​នេះ​មាន​ឡើង​មួយ​ខែ​បន្ទាប់ពី​លោក កឹម សុខា​ អនុ​ប្រធាន​ទី​១​ នៃ​រដ្ឋសភា ហើយ​ក៏​ជា​អនុ​ប្រធាន​គណបក្ស​សង្គ្រោះ​ជាតិ​ដែរ​នោះ បាន​រង​ការ​រិះគន់​ចំពោះ​ការ​តែងតាំង​ទីប្រឹក្សា​២១​របស់​លោក។ កាលពី​ថ្ងៃ​ពុធ លោក ស៊ុន​ ឆ័យ​ ប្រធាន​ក្រុម​អ្នកតំណាង​គណ​បក្ស​សង្គ្រោះ​ជាតិ​​​ បាន​រិះគន់​បញ្ជី​ទីប្រឹក្សា​ថ្មី​របស់​លោក ងួន ញ៉ិល ​ដែល​រួម​មាន​មនុស្ស​៣​នាក់ ដែល​មាន​ត្រកូល​ដូច​លោក ងួន ញ៉ិល។ លោក​បាន​មាន​ប្រសាសន៍​ថា “ជាយូរ​មក​ហើយ យើង​បាន​ឃើញ​ទីប្រឹក្សា​លោក ងួន ញ៉ិល ពួកគេ​ជា​សាច់ញាតិ​របស់​គាត់ ហើយ​គេ​គ្រាន់តែ​តែងតាំង​ពួកគេ​ដើម្បី​យក​លុយ ឬ​ប្រើ​ឈ្មោះ​របស់​ពួកគេ​ជា​ទីប្រឹក្សា​ដើម្បី​ធ្វើ​ខុស​ប៉ុណ្ណោះ”។ លោក ងួន ញ៉ិល មិន​អាច​ទាក់ទង​បាន​ទេ […]

កាលពី​ម្សិលមិញ​ អង្គការ​មិន​មែន​រដ្ឋាភិបាល​ និង​តំណាង​សហគមន៍​បាន​អំពាវ​នាវ​ឲ្យ​រដ្ឋាភិបាល​​បើកចំហ​ជា​សាធារណៈ​ចំពោះ​​ការដាក់​​ដេញ​ថ្លៃ​ឈើ​ដែល​រឹប​អូស​បាន​ និង​អំពាវ​នាវ​ឲ្យ​លុប​ចោល​កិច្ច​ព្រមព្រៀង​មួយ​ដែល​អនុញ្ញាត​ឲ្យ​លោក ទ្រី ភាព ទិញ​យក​ឈើ​ទាំង​អស់​ដែល​រដ្ឋាភិបាល​រឹបអូស​បាន​​។ ​បញ្ហាទាំង​ពីរ​នេះ​ជា​បញ្ហា​ដែល​ពួកគេ​បាន​រិះគន់​ថា បាន​ធ្វើ​ឲ្យ​មាន​ការ​កាប់​ឈើ​ខុស​ច្បាប់​ទូទាំង​ប្រទេស​កម្ពុជា​។ នៅ​ក្នុង​សន្និសីទ​កាសែត​មួយ​ក្នុង​រាជ​ធានីភ្នំពេញ ​តំណាង​វេទិកា​អង្គការ​មិនមែន​រដ្ឋាភិបាល​ និង​មជ្ឈមណ្ឌល​អប់រំ​ច្បាប់​សម្រាប់​សហគមន៍​ត្រូវ​បាន​ចូល​រួម​ដោយ​​អ្នកភូមិ​ចំនួន​បីនាក់​មកពី​ខេត្ត​ក្រចេះ មណ្ឌលគិរី និង​ខេត្ត​ព្រះវិហារ ដែល​ស្ដីបន្ទោស​លើ​​អ្នក​កាប់​ឈើ​ខុស​ច្បាប់​យ៉ាង​ច្រើន​ចំពោះ​ការ​​បំផ្លិច​បំផ្លាញ​ព្រៃ​សហគមន៍​របស់​ពួកគាត់​។ យោង​តាម​របាយការណ៍​ថ្មី​មួយ​ពីក្រសួង​កសិកម្ម​​បាន​ឲ្យ​ដឹង​ថា រដ្ឋាភិបាល​បាន​ដោះ​ស្រាយ​សំណុំរឿង​ចំនួន​១.៨៩១​ដែល​ទាក់​ទិន​នឹង​បទ​ល្មើស​ព្រៃ​ឈើ និង​ការ​កាប់​ឈើ​ខុស​ច្បាប់​អំឡុង​រយៈ​ពេល​៩ខែ​ដំបូង​នៃ​ឆ្នាំ​នេះ​។ របាយការណ៍​នេះ​បាន​ឲ្យ​ដឹង​បន្ត​ថា ករណី​ភាគច្រើន​​ត្រូវ​បាន​ដោះ​ស្រាយ​ដោយ​តុលាការ​ ប៉ុន្តែ​មិន​បាន​ពន្យល់​ថា​តើ​អ្វី​​បាន​កើត​ឡើង​​នៅ​​ក្នុង​តុលាការ​ឡើយ​។ របាយការណ៍​នេះ​ក៏​បាន​ឲ្យ​ដឹង​បន្ថែម​ទៀត​ថា រដ្ឋាភិបាល​បាន​រឹបអូស​ឈើ​ចំនួន​១.៦០១ម៉ែត្រគូប ឈើ​អារ​​រួច​ចំនួន​៤.១៦២ម៉ែត្រគូប និង​ឈើ​មាន​តម្លៃ​បំផុត​[ឈើ​គ្រញូង]​ចំនួន​១០៥​ម៉ែត្រ​គូប​។ លោក តឹក​ វណ្ណារា៉ ​​ប្រធាន​វេទិកា​អង្គការ​មិន​មែន​រដ្ឋាភិបាល​បាន​មាន​ប្រសាសន៍​ថា “ចំនួន​ឈើ​ដែល​រឹបអូស​បាន​ទាំង​នោះ​បង្ហាញ​ឲ្យ​ឃើញ​ពីការ​កាប់​បំផ្លាញ​ព្រៃ​ឈើ​យ៉ាង​ច្រើន​ក្នុង​ប្រទេស​កម្ពុជា​”។ លោក​បាន​ចាត់​ទុក​ការ​កាប់​បំផ្លាញ​ទាំង​​នេះ​ជា​សោក​នាដកម្ម​ជាតិ​។ អង្គការ​មិន​មែន​រដ្ឋាភិបាល​ និង​អ្នក​ភូមិ​​បាន​ស្ដីបន្ទោស​បញ្ហា​ដែល​កើត​មាន​យ៉ាង​ច្រើន​នេះ​លើ​របៀប​ដែល​រដ្ឋាភិបាល​បាន​ដោះ​ស្រាយ​ចំពោះឈើ​​ដែល​ខ្លួន​រឹបអូស​បាន​។ ​​ តាម​ច្បាប់ ឈើ​ដែល​រឹបអូស​បានទាំង​អស់​ត្រូវ​ដាក់​ដេញ​ថ្លៃ​ជាសាធារណៈ​។ អង្គការ​មិន​មែន​រដ្ឋាភិបាល​បាន​លើក​ឡើង​ថា តាមពិត​ទៅ​អង្គការ​មិន​ដែល​​ឃើញ​ថា មាន​ការ​ដាក់​ដេញ​ថ្លៃ​នោះ​ទេ ហើយ​រដ្ឋាភិបាល​បាន​បដិសេធ​មិន​ផ្ដល់​ព័ត៌មាន​អំពី​ដំណើរ​ការ​នេះ​ឡើយ​។ ព័ត៌មាន​ដែល​រដ្ឋាភិបាល​បាន​ផ្ដល់​នោះ គឺ​ប្រាប់​ឲ្យ​ដឹង​ត្រឹម​តែ​អ្នក​ដែល​ឈ្នះ​ក្នុង​ការ​ដេញ​ថ្លៃ​ប៉ុណ្ណោះ។ កាលពី​ពីរបី​ឆ្នាំ​កន្លង​ទៅ​នេះ​ ការ​ឈ្នះ​ក្នុង​ការ​ដេញ​ថ្លៃទាំង​អស់​គឺ​សុទ្ធ​តែ​ធ្លាក់​ទៅ​លើ​លោក ទ្រី ភាព ដែល​បន្ទាប់​មក​បាន​បន្ត​លក់​ឈើ​ទាំង​នោះ​ទៅ​ក្រៅ​ប្រទេស​ ដោយ​ទទួល​បាន​ប្រាក់​ចំណេញ​​រាប់​លាន​ដុល្លារ​។ អង្គការ​មិន​មែន​រដ្ឋាភិបាល​​បាន​លើក​ឡើង​បន្ត​ទៀត​ថា ដំណើរ​ការបែប​​នេះ​បាន​ធ្វើ​ឲ្យ​រដ្ឋាភិបាល​​ដែល​ក៏ទទួល​បាន​ប្រាក់​ចំណេញពី​ការ​ដេញ​ថ្លៃ​​ដែរ​នោះ គ្មាន​បំណង​បញ្ឈប់​ការ​កាប់​ឈើ​ខុស​ច្បាប់​​ដែល​អាច​ជួយ​ឲ្យ​លោក ទ្រី ភាព អាច​ទិញ​បាន​ឈើ​បន្តទៀត​​​នោះ​ឡើយ​។ ក្នុង​ចំណោមអនុសាសន៍​ដែល​អង្គការ​មិន​មែន​រដ្ឋាភិបាល […]

នៅ​ពេល​កង​កម្លាំង​រក្សា​សន្តិភាព​កម្ពុជា​​បាន​ជួប​ជុំគ្នា​​នៅ​ក្នុង​ពិធីមួយ​​កាលពី​ម្សិលមិញ ​មុន​បេសកកម្ម​រក្សា​សន្តិភាព​​រយៈ​ពេល​មួយ​ឆ្នាំទៅ​កាន់​សាធារណរដ្ឋ​អាហ្វ្រិក​កណ្ដាល​​ មន្ត្រី​យោធា​​បាន​សម្ដែង​​ក្ដី​ព្រួយ​បារម្ភ​ចំពោះ​​ការ​ផ្ទុះ​នៃ​មេរោគ​អេបូឡា ដែល​កំពុង​រាតត្បាត​ផ្នែក​ខ្លះ​នៃ​តំបន់​អាហ្វ្រិក​ខាង​លិច​។ កង​កម្លាំង​រក្សា​សន្តិភាព​កម្ពុជា​​គ្រោង​ធ្វើ​ដំណើរ​ចាក​ចេញ​ពី​ប្រទេស​កម្ពុជា​កាលពី​ពេល​រសៀល​​ម្សិលមិញ ប៉ុន្តែ​​ឧត្ដមសេនីយ៍ សែម សុវណ្ណី អគ្គនាយក​មជ្ឈមណ្ឌលជាតិ​នៃ​កង​កម្លាំង​រក្សាសន្តិភាព​​បាន​ឲ្យ​ដឹង​កាលពី​យប់​មិញ​ថា បេសកកម្ម​នេះ​ត្រូវ​បាន​ពន្យារ​ពេល​ប្រហែល​ពីរ​សប្ដាហ៍​ ព្រោះ​កង​កម្លាំង​រក្សា​សន្តិភាព​​ចំនួន​២០​នាក់​ ដែល​ត្រូវបាន​​បញ្ជូន​​ឲ្យទៅមុន​ដើម្បី​​​សាង​សង់​កន្លែង​ស្នាក់​នៅ​សម្រាប់​កង​កម្លាំង​រក្សា​សន្តិភាព​ដែល​គ្រោង​នឹង​ចាក​ចេញ​នេះ​​នៅ​មិន​ទាន់​បញ្ចប់​ការ​សាង​សង់​របស់​ខ្លួន​នៅ​ឡើយ​ទេ​។ អំឡុង​ពិធី​រយៈ​ពេល​ពីរ​ម៉ោង​នៅ​មូលដ្ឋាន​ទ័ព​អាកាស​ពោធិ៍ចិនតុង ​នាយ​ឧត្ដមសេនីយ៍ ទៀ បាញ់ រដ្ឋមន្ត្រីក្រសួង​ការ​ពារ​ជាតិ​បាន​លើក​ឡើង​ថា ទោះ​បី​ជា​​កង​កម្លាំង​រក្សា​សន្តិភាព​ចំនួន​១៩៦​​រូប​មកពី​កង​​វិស្វកម្ម​លេខ​៩៤៥​​​​បាន​ហ្វឹក​ហាត់​​បាន​យ៉ាង​ល្អ​ប្រសើរ​​ក៏ដោយ តែ​ការទៅ​បំពេញ​បេសកកម្ម​​​របស់​ពួកគេ​លើក​នេះ​អាច​នឹង​ប្រឈម​ការ​លំបាក​។ នាយឧត្ដមសេនីយ៍ ទៀ បាញ់ បាន​មាន​ប្រសាសន៍​ថា ​”[​ការ​ហ្វឹកហាត់​] គឺ​វា​លំបាក​​គ្រប់​គ្រាន់​សម្រាប់​ពួកគេ​។ ប៉ុន្តែ​ភាព​ខុស​គ្នា​នៅ​សាធារណរដ្ឋ​អាហ្វ្រិក​កណ្ដាល​ គឺ​ទីតាំង​ភូមិ​សាស្ត្រ​ នយោបាយ និង​វប្បធម៌។ មិន​គ្រាន់​តែ​ប៉ុណ្ណឹង​ទេ ឥឡូវ​នេះ​តំបន់​អាហ្វ្រិក​ ​កំពុង​តែ​ជួប​នឹង​ការ​ផ្ទុះ​ឡើង​នៃ​មេរោគ​​អេបូឡា​ទៀត​”។ ​យោង​តាម​អង្គការ​សុខភាពពិភព​លោក​ (WHO) បាន​ឲ្យ​ដឹង​ថា មកទល់​ពេល​នេះ​ ការ​ផ្ទុះ​ឡើង​នៃ​មេរោគ​អេបូឡា​នៅ​តំបន់​អាហ្វ្រិក​ខា​ង​លិច​ បាន​ធ្វើ​ឲ្យ​មនុស្ស​ចំនួន​៩.១៧៨​នាក់​ឆ្លង​មេរោគ​នេះ ហើយ​ធ្វើ​ឲ្យ​មនុស្ស​ចំនួន​៤.៥៤៦​នាក់​បាន​បាត់​បង់ជីវិត​។ ករណី​ឆ្លង​ និង​ស្លាប់​ភាគ​ច្រើន​​គឺ​កើត​ឡើង​​នៅ​ក្នុង​ប្រទេស​តំបន់​អាហ្វ្រិក​ខាង​លិច​មួយ​ចំនួន​ ដូច​ជា​ប្រទេស​ហ្គីណេ លីបេរីយ៉ា និង​សៀរ៉ាឡេអូន​ជាដើម​។ សាធារណរដ្ឋអាហ្វ្រិក​កណ្ដាល​ ដែល​មាន​ទីតាំង​នៅ​ក្នុង​តំបន់​អាហ្វ្រិក​កណ្ដាល​មិន​ទាន់​មាន​សេចក្ដី​រាយការណ៍​ពី​ករណី​ឆ្លង​មេរោគ​អេបូឡា​នៅ​ឡើុយ​ទេ​​ អំឡុង​ការ​ផ្ទុះ​ឡើង​នៃ​មេរោគ​នេះ​ក្នុង​ពេល​ថ្មីៗ​នេះ​ ប៉ុន្តែ​អង្គការ​សុខភាព​ពិភព​លោក​​បាន​លើក​ឡើង​ថា មេរោគ​នេះ​អាច​រីក​រាល​ដាល​ដល់​ប្រទេស​​នេះ​។ បន្ទាប់ពី​ពិធី​កាលពី​ម្សិលមិញ កង​កម្លាំង​រក្សា​សន្តិភាព​មួយ​ចំនួន​​បាន​លើក​ឡើង​ថា ខ្លួន​មាន​មោទនភាព​ក្នុង​ការ​ចូល​រួម​បេសកកម្ម​នេះ​ ប៉ុន្តែ​ក៏​ព្រួយបារម្ភ​​ខ្លាច​ក្រែង​ឆ្លង​មេរោគ​អេបូឡា​នេះ​ផង​ដែរ​។ វរសេនីយ៍ឯក ខាំ […]

យោង​​​តាម​​​ការ​​​សិក្សា​​​ថ្មី​​​មួយ​​​​​​ចេញ​​​ផ្សាយ​​​កាល​​​ពី​​​ម្សិល​​​មិញ បាន​​​រក​​​ឃើញ​​​ថា ជាង​​​ពាក់​​​កណ្តាល​​​នៃ​​​ពល​​​រដ្ឋ​​​ខ្មែរ​​​ទាំង​​​អស់​​​ដែល​​​មាន​​​អាយុ​​​ក្រោម​​​១៨​​​​​​ឆ្នាំ​​​ បាន​​​ក្លាយ​​​ជា​​​ជន​​​រង​​​គ្រោះ​​​នៃ​​​អំពើ​​​ហិង្សា​​​លើ​​​រាង​​​កាយ​​​​​​យ៉ាង​​​ហោច​​​ណាស់​​​ម្តង​​​ ចំណែក​​​ឯស្ត្រី​​​​​​ជាង​​​៦ភាគ​​​រយ​​​ និង​​​បុរស​​​៥ភាគ​​​រយ​​​​​​​​​បាន​​​ទទួល​​​រង​​​ការ​​​​​​រំលោភ​​​បំពាន​​​ផ្លូវ​​​ភេទ​​​កាល​​​ពីវ័យ​​​កុមារ​​​។ ការ​​​សិក្សា​​​ស្រាវជ្រាវ​​​ដែល​​​ធ្វើ​​​ឡើង​​​រួម​​​គ្នា​​​ដោយ​​​អង្គការ​​​យូនីសេហ្វ​​​ វិទ្យាស្ថាន​​​ជាតិ​​​ស្ថិត​​ិ​​​ក្រសួង​​​ផែន​​​ការ​​​ ក្រសួង​​​កិច្ច​​​ការ​​​នារី​​​ និ​​​ង​​​ក្រសួង​​​សង្គម​​​កិច្ច​​​នេះ ​​​បាន​​​ស្ទង់​​​មតិ​​​កុមារ​​​ និង​​​មនុស្ស​​​ពេញ​​​វ័យ​​​ចំនួន​​​២.៣៧៦​​​នាក់​​​ដែល​​​មាន​​​អាយុ​​​ចន្លោះ​​ពី​​​១៣​​​ឆ្នាំ ដល់​​​២៤​​​ឆ្នាំ​​​នៅ​​​ទូទាំង​​​ប្រទេស​​​កម្ពុជា​​​នៅ​​​ក្នុង​​​​​​ខែ​​​កុម្ភៈ​​​ និង​​​​​​ខែ​​​មីនា ឆ្នាំ​​​មុន​​​។ អ្នក​​​​​​ឆ្លើយ​​​គឺ​​​ជា​​​​​​ឪពុក​​​ម្តាយ​​​ដែល​​​បាន​​​ឆ្លើយ​​​សំណួរ​​​ស្តីពី​​​កូន​​​ៗ​​​របស់​​​​​​ខ្លួន។ ការសិក្សា​​​នេះ​​​ក៏​​​បាន​​​រក​​​ឃើញ​​​ដែរ​​​ថា មួ​​​យ​​​ភាគ​​​បួន​​​នៃ​​​កុមារ​​​កម្ពុជា​​​ បានទទួល​​​​​​រង​​​ការ​​​បំពាន​​​ផ្លូវ​​​អារម្មណ៍​​​ដែល​​​គេ​​​កំណត់​​​ថា​​​ជា​​​ការ​​​បំពាន​​​តាម​​​រយៈ​​​ “​​​ពាក្យ​​​សម្ដី​​​”។ នៅ​​​ក្នុង​​​ករណី​​​នៃ​​​ការ​​​រំលោភ​​​បំពាន​​​ទាំង​​​បី​​​ប្រភេទ​​​ ​​​ភាគ​​​ច្រើន​​ឪពុក​​​ម្តាយ​​​ និង​​​គ្រូបង្រៀន​​​​​​ជា​​​ជន​​​ល្មើស​​​​​​ បន្ទាប់​​​មក​​​គឺ​​​អ្នក​​​រស់​​​នៅ​​​ក្នុង​​​សហគមន៍​​​​​​ជា​​​មួយ​​​ជន​​​រង​​​គ្រោះ​​​។ ការសិក្សា​​​នេះ​​​បាន​​​លើក​​​ឡើង​​​ថា “ជន​​​ល្មើស​​​ភាគ ច្រើន​​​ ដែល​​​ប្រើ​​​អំពើ​​​ហិង្សា​​​លើ​​​រាង​​​​​​កាយ​​​​​​វ័យ​​​កុមារ គឺឪពុក​​​ ហើយ​​​ជា​​​ពិសេស​​​ម្តាយ​​​”។ លោក​​​ស្រី អឹុង គន្ថាផាវី រដ្ឋ​​​មន្ត្រី​​​​​​ក្រសួង​​​​​​កិច្ច​​​​​​ការ​​​នារី​​​​​​ បាន​​​មាន​​​ប្រសាសន៍​​​​​​ទៅ​​​កាន់​​​​​​​​​ក្រុម​​​អ្នក​​​យក​​​ព័ត៌​​​មាន​​​នៅ​​​ខាង​​​ក្រៅ​​​ពិធី​​​​​​បញ្ចេញ​​​របាយការណ៍​​​សិក្សា​​​​​​នេះដែល​​​រៀប​​​ចំ​​​ឡើង​​​នៅ​​​សណ្ឋាគារ​​​សូហ្វីតែល ក្នុង​​​រាជ​​​ធានី​​​ភ្នំពេញ​​​​​​​​​ថា ទន្ទឹម​​​​​​នឹង​​​លទ្ធផល​​​បង្ហាញ​​​ថា ការ​​​រំលោភ​​​បំពាន​​​លើ​​​កុមារ​​​មាន​​​ការ​​​រាល​​​ដាល​​​​​ ​​​វា​​​ក៏​​​បង្ហាញពី​​​ការ​​​​​​ប្តេជ្ញា​​​ចិត្ត​​​​​​របស់​​រដ្ឋា​​​ភិបាល​​​ដែរ​​​ក្នុង​​​ការ​​​ដោះ​​​ស្រាយ​​​បញ្ហា​​​នេះ​​​។ លោក​​​ស្រី​​​បាន​​​​​​មាន​​​ប្រសាសន៍​​​ទៀត​​​ថា “អ្វី​​​ដែល​​​យើង​​​បាន​​​រៀប​​​ចំ​​​ឡើង​​​នៅ​​​ថ្ងៃ​​​នេះ​​​បង្ហាញ​​​ពី​​​​​​ឆន្ទៈ​​​ និង​​​ការ​​​ប្តេជ្ញា​​​ចិត្ត​​​​​​ពិត​​​ប្រាកដ​​​របស់​​​រដ្ឋាភិបាល​​​ ក្នុង​​​ការ​​​ទប់​​​ស្កាត់​​​ និង​​​កាត់​​​បន្ថយ​​​អំពើ​​​ហិង្សា​​​លើ​​​កុមារ​​​​​​​​​​​​​​​​​​​”។ លោក​​​ស្រី​​​បាន​​​មាន​​​​​​ប្រសាសន៍​​​បន្ត​​​ថា ក្រ​​​សួង​​​កិច្ច​​​ការ​​​នារី​​​កំពុ​​​ងអភិវឌ្ឍកម្ម​​​វិធី​​​មួយ​​​​​​ដើម្បី​​​ផ្សព្វ​​​ផ្សាយ​​​​​​អំពី​​​វិធី​​​ថែ​​​ទាំ​​​កូន​​​ដោយ​​​មិន​​​ប្រើអំពើ​​​ហិង្សា។ លោក​​​ស្រី​​​ ម៉ាតា សាន​​​តូស​​​ ផេស (Marta Santos Pais) តំណាង​​​ពិសេស​​​របស់​​​អគ្គលេខា​​​ធិការ​​​អង្គការ​​​សហ​​​ប្រជា​​​ជាតិ​​​ទទួល​​​បន្ទុក​​​បញ្ហា​​​​​​អំពើ​​​ហិង្សា​​​លើ​​​កុមារ​​​ បាន​​​មាន​​​ប្រសាសន៍​​​ថា ការ​​​សិក្សា​​​ចេញ​​​ផ្សាយ​​​កាល​​​ពី​​​ម្សិល​​​មិញ គឺ​​​ជាការ​​​ប្រមូល​​​ចង​​​ក្រង​​​ទិន្នន័យ​​​ដ៏ទូលំទូលាយ​​​លើក​​​ដំបូង​​​ស្តី​​​ពីការ​​​រំលោភ​​​បំពាន​​​លើ​​​កុមារ​​​នៅ​​​កម្ពុជា​​​។ លោក​​​ស្រី​​​បាន​​​មាន​​​ប្រសាសន៍​​​ទៀត​​​ថា “រហូត​​​មក​​​ទល់​​​ពេល​​​នេះ​​​​​​ យើង​​​អាច​​​ត្រឹម​​​តែ​​​ធ្វើ​​​ការ​​​សន្និដ្ឋាន​​​ប៉ុណ្ណោះ​​​ តែ​​​ពេល​​​នេះ​​​យើង​​​មាន​​​ភ័ស្តុ​​​តាម​​​ច្បាស់​​​លាស់​​​ហើយ​​​”៕សុខុម    

The Cambodia Daily | All the News Without Fear or Favor | The Daily Newspaper of Record Since 1993