ការ​​​ដាក់​​​ពង្រាយ​​​រថ​​​ពាសដែក​​​គឺ​​​ដើម្បី​​​រក្សា​​​សន្តិសុខ​​​

លោក ស ខេង​​​ រដ្ឋម​​​ន្ត្រី​​​ក្រសួង​​​មហាផ្ទៃ​​​បាន​​​បញ្ជាក់​​​កាលពី​​​ថ្ងៃ​​​សុក្រ​​​ថា ការ​ដឹក​​​រថ​​​ពាស​​​ដែក​​​ពី​​​ព្រំដែន​​​កម្ពុជា​​​-ថៃ​​​​​​ មក​​​ដាក់​​​ពង្រាយ​​​ក្នុង​​​រាជធានី​​​ភ្នំពេញ​​​ គឺជា​ផ្នែក​មួយ​នៃ​​​ប្រតិ​​​បត្តិ​​​ការ​​​រក្សា​​​សន្តិសុខ​​​​​​​​​ជាការ​​​ឆ្លើយ​​​តប​​​នឹង​​​ផែន​​​ការ​​​ធ្វើ​​​​​​បាតុកម្ម​​​​​​របស់​​​គណបក្ស​​​​​​សង្គ្រោះ​​​ជាតិ​​​ប្រឆាំង​​​​​​នឹង​​​លទ្ធផល​​​នៃ​​​ការ​​​បោះឆ្នោត​​​ជាតិ​​​ កាលពី​​​ថ្ងៃ​​​ទី២៨​​​ ខែកក្កដា​​​។

រថពាស​​ដែក​ជា​ច្រើន​គ្រឿង​​ត្រូវ​បាន​យក​មក​ដាក់​ពង្រាយ​នៅ​ខណ្ឌ​សែន​សុខ ក្នុង​រាជធានីភ្នំពេញ កាលពីម្សិលមិញ។ មន្ត្រី​រដ្ឋាភិបាល​​អះអាង​ថា រថពាស​ដែក​ដែល​​ត្រូវ​បាន​យក​មក​រាជធានីភ្នំពេញនេះ​​​​ គឺ​ដើម្បី​ជួសជុល​ឡើង​វិញ​ប៉ុណ្ណោះ​​​។ (ស៊ីវ ចាន់ណា)

រថពាស​​ដែក​ជា​ច្រើន​គ្រឿង​​ត្រូវ​បាន​យក​មក​ដាក់​ពង្រាយ​នៅ​ខណ្ឌ​សែន​សុខ ក្នុង​រាជធានីភ្នំពេញ កាលពីម្សិលមិញ។ មន្ត្រី​រដ្ឋាភិបាល​​អះអាង​ថា រថពាស​ដែក​ដែល​​ត្រូវ​បាន​យក​មក​រាជធានីភ្នំពេញនេះ​​​​ គឺ​ដើម្បី​ជួសជុល​ឡើង​វិញ​ប៉ុណ្ណោះ​​​។ (ស៊ីវ ចាន់ណា)

​​​​​​កាល​​​ពីថ្ងៃ​​​សុក្រ​​​ ​​​នេះ​​​ដែរ​​​  អ្នក​នាំ​ពាក្យ​មួយ​​​រូប​​​នៅ​​​ស្ថានទូត​​​​​​អាមេរិក​​​ ប្រចាំ​​​ប្រទេស​​​កម្ពុជា​បាន​​​ទទូច​ឲ្យ​រាជ​​​រដ្ឋាភិបាល​​​ដោះ​​​ស្រាយ​​​វិវាទ​​​ជុំវិញ​​​​​​លទ្ធ​​​ផល​​​នៃ​​​ការ​​​​​​បោះ​​​ឆ្នោត​​​​​​ដោយ​​​​​​សន្តិវិធី​សន្តិ​​​វិធីនិង​​​ដោយ​​​គ្មាន​​​ការ​​​បំភិត​​​​បំភ័យ​​​។ កាល​ពីថ្ងៃ​​​ព្រហស្បតិ៍ រថ​​​ពាស​ដែក​​​ចំនួន​​​ប្រាំមួយ​​​គ្រឿង​​​ បាន​​​បើក​​​ចូល​​​​​​​​​ក្នុង​​​វត្ត​​​មួយ​​​​​​នៅ​​​​​​ខណ្ឌ​​​សែន​​​សុខ​​​​​​ រាជធានី​​​ភ្នំពេញ​​​ ខណៈ​​​​​​រូបភាព​​​មួយ​​​ចំនួន​​​ដែល​ត្រូវ​គេ​បង្ហោះ​​​នៅ​​​លើ​​​គេ​​​ហ​​​ទំព័រ​​​​​​ភ្ជាប់​​​ទំនាក់ទំនង​​​សង្គម​​​ហ្វេស​​​ប៊ុក​​​ ​​​បង្ហាញ​​​ឲ្យ​​​ឃើញ​រថពាសដែក​​​ជាច្រើន​​​គ្រឿង​​​ទៀត​​​ដែល​​​ធ្វើ​​​ដំណើរ​​​​​​នៅ​​​តាម​​​ផ្លូវ​​​ជាតិ​​​លេខ​​​៦ ក្នុង​​​​​​ខេត្ត​​​កំពង់​​​ចាម។

លោក ស ខេង បាន​​​ថ្លែង​​​ទៅ​​​កាន់​​​​ក្រុម​​​អ្នក​​​​​​​​​យក​​​ព័ត៌មាន​​​ជាការ​​​​​​​ឆ្លើយ​​​តប​​​ទៅ​​​នឹង​​​សំណួរ​​​អំពី​​​ការ​​​ដាក់ពង្រាយ​​​រថពាសដែក​​​ និង​ទាហាន​​​ ​​​នេះ​​​​​​ក្រោយ​​​​​​កិច្ច​​​ប្រជុំ​​​ជាមួយ​​​នឹង​​​​​​អង្គការ​​​ក្រៅ​​​រដ្ឋាភិ​​​បាល​​​នៅក្រសួង​​​មហាផ្ទៃ​​​ស្តី​​​ពី​​​ការ​​​ស៊ើប​​​អង្កេតពី​​​ភាព​​​មិន​​​ប្រក្រតី​​​​​​ក្នុង​​​​​​ការ​​​បោះ​​​ឆ្នោត​​​​​​ថា “​​​ការ​​​ពិត​​​នោះគឺថា  ព័ត៌មាន​​​នេះ​​​គឺ​​​ពិត​​​ជា​​​​​​មិនខុស​​​ឡើយ​​​”។

លោក ស ខេង​​​ មាន​​​ប្រសាសន៍ថា “​​​ប៉ុន្តែ ខ្ញុំ​​​ចង់​​​ជម្រាប​​​ប្រាប់​​​សាធារណជន​​​ថា ឯកឧត្តម​​​ សម រង្ស៊ី បាន​​​លើក​​​ឡើង​​​ជាច្រើន​​​លើក​​​ច្រើន​​​សាពី​​​កន្លែង​​​មួយ​​​ទៅ​​​កន្លែង​​​​​​មួយ​​​អំពី​​​ការ​​​ធ្វើ​​​មហា​​​បាតុកម្ម  ហើយប្រសិន​​​បើ​​​ខ្ញុំ​​​ចាំ​​​មិន​​​ខុស​​​ទេ​​​នោះ​​​ គាត់​​​បាន​​​និយាយ​​​អំពី​​មហាបាតុកម្ម​​​​នេះ​​​​ចំនួន​​​ប្រាំ​ពីរ​​​លើក​​​រួច​​​មកហើយ។ ទោះជា​​​មាន​​​ការ​​​​​​​​​បង្កើន​​​វិធានការ​​​សន្តិសុ​ខ​​​​​​ ក្តី​​​ ក៏​​​គណបក្ស​សង្គ្រោះ​​​ជាតិ​​​បាន​​​អំពាវ​​​នាវ​​​ឲ្យ​មានការ​​​​រក្សា​​​​​​ភាព​​​អត់​​​ធ្មត់​​​ និង​​​ភាព​​​ស្ងប់​​​ស្ងាត់​​​ក្រោយ​​​​​​​​ការ​​​បោះ​​​ឆ្នោត​​​ ហើយក៏​​​លើកឡើង​​​ផង​​​ដែរ​​​ថា ការ​​​ធ្វើ​​​បាតុកម្ម​​​នេះ គឺ​​​ជា​​​ជម្រើស​​​ចុងក្រោយ​​​ប៉ុណ្ណោះ​​​។

បរិយាកាស​​​នៅ​​​ក្រោយ​​​ថ្ងៃ​​​​​​បោះឆ្នោត ជា​​​​​​ទូទៅ​​​គឺ​មានស​​​​​​​​ភាព​​​ស្ងប់ស្ងាត់​​​​ លើកលែង​​​តែ​​​​​​ករណី​​​​​​ផ្ទុះ​​​គ្រាប​​​​​​​បែក​​​មួយ​​​គ្រាប់​​​​​​នៅ​​​ខាង​​​ក្រៅ​​​​​​សាលាដំបូង​​​រាជ​​​ធានី​​​ភ្នំពេញ​​​ កាលពី​​​ព្រឹក​​​ថ្ងៃ​​​ពុធ​​​ តែករណី​​​នេះ​​​មិន​​​បាន​​​​​​បណ្តាល​ឲ្យ​​​នរណា​​​ម្នាក់​​​រង​​​របួស​​​ទេ។​​​ ​​​ការ​​​ស៊ើប​​​អង្កេត​​​​​​ពីការ​​​ផ្ទុះ​​​នេះ​​​កំពុង​​​​​​​​បន្ត​​​។​​​

លោក ស ខេង​​​ បាន​សរសេរសារលិខិត​​ផ្ញើ​​​​​​ទៅ​​​​​​​​លោក​ សម រង្ស៊ី  ពី​​​រ​​​លើក​​​មក​​​ហើយ​​​ ចាប់​​​តាំង​​​ពី​​​ការ​​​បោះ​​​ឆ្នោត​​​បាន​​​បញ្ចប់​​​​​មក​​​​ ​​​លើក​ទី​​​១​​​​​គឺ​​​​​​នៅ​​​ថ្ងៃ​​​ទី​​​៣១​​​ ខែ​​​កក្កដា ដើម្បី​​​ព្រមា​​​ន​​​លោក​​​ សម  រង្ស៊ី ថា ការ​ធ្វើ​​​បាតុកម្ម​​​ណាមួយ​ត្រូវ​តែ​ធ្វើ​ឡើង​​​នៅ​​​ឯ​​​សួន​​​សេរី​​​ភាព​​​ រាជធានី​​​ភ្នំពេញ​​​  លើក​​​​ទី​​​២​​​​​​ គឺ​កាលពី​​​ថ្ងៃ​​​​​​ព្រហស្បតិ៍​​​​​​  ដោយ​​​បាន​​​ព្រមាន​​​ថា នឹង​មាន​ការ​ចាប់​​​ខ្លួន​​​​​​និង​​​ផល​​​លំបាក​​​​ផ្សេងៗ ​​​ទៀត​​​ ប្រសិន​​​​​​​​​បាតុកម្ម​​​​​​​​​នេះ​​​​​​ប្រែ​​​ក្លាយ​​​​ក្លាយ​ជា​​​​​ហិង្សានោះ។

លោក ស ខេង​ បាន​ថ្លែង​ទៅកាន់​អ្នក​យក​ព័ត៌មានថា “ជាទូទៅ  រដ្ឋា​​​ភិបាល​នៃ​​​ប្រទេស​នីមួយ​ត្រូ​​​វ​​​​មាន​កាតព្វកិច្ច​ក្នុងការ​រក្សា​សនិ្តសុខ​និងស្ថិរភាព​សម្រាប់ ប្រទេស​​​នោះ។​​​ប៉ុន្តែ​ ខ្ញុំ​​​មិនដឹងថា​ តើ​លោក​ សម  រង្ស៊ី អាចគ្រប់គ្រង​បាតុករ​​​បាន​ឬក៏អត់នោះទេ។ ​​​ដូច្នេះ នេះ​​​​​​​​​​​​គឺ​​​ជា​​​​​​កង្វល់​​​​​​ដ៏​​​ធំ​​​បំផុត​​​របស់​​​យើង​​​ មិន​មែន​​​តែ​​​រដ្ឋា​​​ភិ​​​បាលនោះទេ​”។

លោក បាន​ បដិសេធ​ថា ការដាក់​ពង្រាយ​​រថពាសដែក​​​​ និង​ទាហាននេះ​​​​​​ គឺ​​​មិនមែន​​​ក្នុង​​​​បំណង​​​បំភ័យ​ប្រជាពលរដ្ឋឡើយ​ គឺ​​​សម្រាប់​​​​​​ហេតុផល​សន្តិសុខ​​​​តែ​​​ប៉ុណ្ណោះ។​ លោក បាន​បន្ថែម​​​ថា “វាមិនមែន​ជាការ​បំភិតបំភ័យ​ប្រជា​ជន​​​​​​​​​​ និង​​​គណ​​​បក្ស​ប្រឆាំង​ទេ​។ ​​​ធម្មតា​ គឺ​​​រដ្ឋាភិ​បាល​​​​មាន​កាតព្វ​កិច្ច​រក្សា​​​​សន្តិសុខ​​​អ៊ីចឹង​​​ហើយ​​​”។

លោក ស៊ាន ម៉ឹកអ៊ីនតូស (Sean McIntosh) អ្នកនាំពាក្យ​ស្ថានទូត​​​​អាមេរិក បាន​ទទូ​​​ចឲ្យ​​ភាគី​​​ពាក់ព័ន្ធទំាងអស់​បន្តការ​ដោះ​ស្រាយ​​​​បញ្ហា​​​ដោយ​សន្តិវិធី។
លោក​​​បានលើកឡើងតាម​រយៈ​អ៊ីម៉េល​ថា “ ដូច​យើងធ្លាប់​​​បាន​​​បញ្ជាក់​​​រួច​​​មក​​​ហើយ​​​​​​​ថា​​​ សហរដ្ឋ​​​អាមេរិក​​​​ទទូ​​​ចឲ្យ​​​គ្រប់​​​ភាគីពាក់ព័ន្ធ​ទាំងអស់​ និង​​​ក្រុម​​​អ្នកគាំទ្ររបស់ខ្លួនបន្ត​​​​​​ការ​​​ដោះស្រាយ​​​​​​គ្នាដោយ​សន្តិវិធី​​​ក្រោយ​​​ពេល​​​​បោះឆ្នោត​​​ ហើយ​ស្វែងរក​ដំណោះ​​​ស្រាយ​​​សម្រាប់​​​​​​វិវាទ​​​ជុំវិញ​​​​ការ​​​បោះ​ឆ្នោត​នេះ​​តាម​​​រយៈ​​​ការ​​​ចរចា​​​ប្រកប​​ដោយ​តម្លា​ភាព​​​ ជាជាង​​​ប្រើការបំភិត​​​បំភ័យ​ ការគាប​​​​សង្កត់ និង​អំពើហិង្សា”។

លោក យឹម សុវណ្ណ អ្នកនាំពាក្យ​គណបក្ស​សង្គ្រោះជាតិ​ បាន​បញ្ជាក់​​​ជាថ្មី​​​​​ម្តងទៀតអំ​​​​ពី​​​គោលជំហរ​របស់​គណ​បក្ស​លោក​​​​​​ កាលពី​​​ថ្ងៃ​​​សុក្រ​​​ថា  រាល់​ការ​ធ្វើ​បាតុកម្មណាមួយ​​​គឺជា​ជម្រើសចុងក្រោយ​បំផុត​ ហើយ​បាន​លើក​ឡើង​​​​ថា​​​ គណបក្សប្រជាជន​កម្ពុជានឹង​ធ្វើឲ្យ​​​ខូច​​​មុខមាត់​​​​​​ខ្លួនឯងទៅវិញទេ ប្រសិនបើខ្លួន​គាំទ្រ​​​​ការ​​​ប្រើ​​​អំពើហិង្សានោះ។

លោក​​​​​​មានប្រសាសន៍ថា “វិធាន​ការណ៍​នេះគឺ​​​ ហួស​ហេតុ​ពេក​ហើយ​​។​ យើង​តស៊ូ​​​គឺ​​​ដើម្បី​​​យុត្តិធម៌។ យុត្តិ​ធម៌នឹង​ឈ្នះ​​​​ ហើយ​​​អំពើ​ហិង្សា​​​នឹង​ចាញ់​”។
លោក​បាន​មាន​មាន​ប្រសាសន៍​​​បន្ត​​​ថា  ​​​​​គណ​​​បក្ស​​​​​​​នេះ​​​បន្ត​​​ផ្តោត​ជា​​​សំខាន់​​​ទៅ​​​​​​​​​លើ​​​​​​​ការ​​​ចរចា​ដោយ​​​​គណបក្ស​ប្រឆាំង​​​  គណបក្ស​ប្រជាជន​កម្ពុជា  និង​គណៈកម្មាធិការ​ជាតិ​រៀបចំការ​បោះឆ្នោត​ (គ.ជ.ប.)​មាន​ផែនការ​ស៊ើប​​​អង្កេត​​​ពី​​​​​​​ភាព​មិន​ប្រក្រតី​​​​​ក្នុង​​​ការ​បោះ​ឆ្នោត​​ដែល​​បក្ស​សង្គ្រោះជាតិ​ជឿជាក់ថា ប្រហែល​​​​​ជា​​​មូលហេតុ​​​ដែល​​​ធ្វើ​​​​ឲ្យ​ខ្លួន​​​មិនបាន​​​​ទទួល​ជ័យ​ជម្នះ​​​​ក្នុង​​​ការ​​​បោះឆ្នោត​​​នេះ​​​។

លោក​ យឹម សុវណ្ណ បាន​មាន​ប្រសាសន៍​បន្ត​ទៀតថា “ ខ្ញុំ​​​សូម​​​​អំពាវ​នាវ​ឲ្យ​គណបក្ស​ទាំង​អស់​ ជាពិសេសគឺ​​​​គណបក្ស​ប្រជាជន​កម្ពុជា​​​​ ឲ្យ​​​បញ្ឈប់​​​​កា​របំភិត​បំភ័យ​ដែល​ធ្វើ​​​ឲ្យ​​​ប៉ះពាល់​ដល់​ប្រជាពល​រដ្ឋ​​​​។ ប្រទេស​ជាតិ​គឺ​ជា​របស់​ប្រជាពល​រដ្ឋ​​​​គ្រប់ៗ​​​រូប​​​។ ប្រជាពល​រដ្ឋ​ចង់​បាន​យុត្តិធម៌​ ប៉ុន្តែ គណបក្ស​ប្រជាជន​កម្ពុជា​បែរ​ជា​យក​កងកម្លាំង​ប្រដាប់​អាវុធ​មក​​​​បង្ហាញ​​​ឲ្យ​​​ប្រជាពល​រដ្ឋ​​​​បាន​​​ឃើញ​​​ទៅវិញ​។ ប្រសិន​បើ​គណបក្ស​ប្រជាជន​កម្ពុជា​យក​កង​កម្លាំង​មក​បង្ហាញ​ហើយ​ចង់​លាក់​បាំង​យុត្តិធម៌​ និង​ដោះ​ស្រាយ​​បញ្ហា​ដោយ​​​ការ​​​ប្រើ​​​កម្លាំង​បាយ​​​នោះ វា​មិនមែន​ជា​មធ្យោបាយ​​​​​​​ប្រសើរ​​​បំផុត​សម្រាប់​សង្គម​កម្ពុជា​​​​ឡើយ​​​​”​​​៕

ប្រែ​​​សម្រួល​​​ដោយ ស៊ា ស៊ុយ​​​ឈាង​​​

ព័ត៌មាន​ថ្មីៗ

មន្ត្រី​ម្នាក់​បាន​និយាយ​កាលពី​ថ្ងៃ​ច័ន្ទ​ថា ប៉ូលិស​នៅ​ខេត្ត​កំពង់​ស្ពឺ​កំពុង​ស៊ើប​អង្កេត​អតីត​ព្រះសង្ឃ​ម្នាក់​ទាក់ទិន​នឹង​ការ​ធ្វើ​គត់​ព្រះ​សង្ឃ​មាន​ព្រះជន្ម​៧៦​ព្រះ​វស្សា ដែល​ត្រូវ​បាន​បាញ់​សុគត​កាលពី​ថ្ងៃ​សៅរ៍ ក្នុង​ពេល​កំពុង​សម្ដែង​ធម៌​ទេសនា​នៅ​ក្នុង​ពិធី​បុណ្យ​មួយ។ យោងតាម​ប៉ូលិស​បាន​ឲ្យ​ដឹង​ថា ព្រះតេជគុណ ម៉ឹង អ៊ុំ គ្រូសូត្រ​ស្ដាំ​នៅ​វត្ត​អង្គស្នៀត ​ក្នុង​ស្រុក​សំរោងទង បាន​សុគត​ដោយសារ​ត្រូវ​គ្រាប់​កាំភ្លើង​មួយ​គ្រាប់​ចំ​ក ក្នុង​ពេល​ដែល​ព្រះ​តេជគុណ​ចាប់​ផ្តើម​សម្ដែង​ធម៌ទេសនា​នៅ​ក្នុង​ពិធីបុណ្យ​​ខួប​១ឆ្នាំ​​នៅ​ឃុំ​តាំងក្រូច​កាលពី​យប់​ថ្ងៃ​សៅរ៍។ ប៉ូលិស​បាន​និយាយ​ថា ព្រះតេជគុណ​បាន​គង់​តែអង្គ​ឯង​នៅ​លើ​គ្រែទេសនា​​នៅ​ចំពោះ​មុខ​​​ពុទ្ធបរិស័ទ​រាប់សិប​នាក់ ហើយ​ត្រូវ​បាន​គេ​បាញ់​ទម្លុះ​វាំងនន​នៅ​ពី​ក្រោយ​ព្រះ​អង្គ។ លោក សោម បូរ៉ា ស្នង​ការ​រង​នគរ​បាល​ខេត្ត​កំពង់ស្ពឺ​បាន​មាន​ប្រសាសន៍​កាលពី​ថ្ងៃ​ច័ន្ទ​ថា កាលពី​ថ្ងៃ​សៅរ៍ ប៉ូលិស​បាន​ចាប់​ខ្លួន​អតីត​ព្រះ​សង្ឃ​ម្នាក់ ឈ្មោះ ជា សារ៉ាន់ អាយុ​៣៣​ឆ្នាំ ដែល​គេ​សង្ស័យ​ថា​ជា​អ្នក​បាញ់។ លោក​បាន​ឲ្យ​ដឹង​ទៀត​ថា “យើង​មិន​អាច​ស្វែងរក​ឃើញ​អាវុធ ឬ​ភ័ស្តុតាង​ផ្សេងទៀត​ទេ ប៉ុន្តែ​ព្រះសង្ឃ​រងគ្រោះ និង​ជន​សង្ស័យ…​ធ្លាប់​មាន​ជម្លោះ​នឹង​គ្នា ពេល​ដែល​អ្នក​ទាំង​ពីរ​ស្នាក់​នៅ​រួម​គ្នា​ក្នុង​វត្ត​នោះ”។ លោក​ស្នងការ​រង បូរ៉ា បាន​មាន​ប្រសាសន៍​ថា ប៉ូលិស​កំពុង​ឃុំ​ខ្លួន​លោក សារ៉ាន់ ហើយ​ថា តុលាការ​ខេត្ត​នឹង​សម្រេច​ ថាតើ​នឹង​ធ្វើ​ការ​ចោទ​ប្រកាន់​គាត់​នៅ​ថ្ងៃ​នេះ​ឬ​យ៉ាងណា​ទេ។ ព្រះតេជគុណ ពេជ្រ ប៉ន ចៅអធិការ​វត្ត​អង្គស្នៀត បាន​មាន​សង្ឃដីកា​ថា ទាំង​ជន​រងគ្រោះ​ ទាំង​ជន​សង្ស័យ​ជា​ព្រះសង្ឃ​នៅ​វត្ត​នេះ​អស់​រយៈ​ពេល​ប្រាំ​ឆ្នាំ​និង​ប្រាំពីរ​ឆ្នាំ​មក​ហើយ។ ព្រះអង្គ​បាន​មាន​សង្ឃដីកា​ថា ព្រះអង្គ​មិន​ដែល​បាន​ឃើញ​អ្នក​ទាំងពីរ​ទាស់​សម្តី​គ្នា​ទេ។ ព្រះអង្គ​បាន​មាន​សង្ឃដីកា​ទៀត​ថា “ប៉ុន្តែ​ឥឡូវ​នេះ អាត្មា​ឮ​ថា ប៉ូលិស​បាន​ចាប់​ខ្លួន​គាត់។ លោក​ សារ៉ាន់ […]

បន្ទាប់ពី​រយៈពេល​ប្រាំមួយ​ខែ​បណ្តោយ​ទៅ​តាម​ការ​ប្រកាស​អំពី​ “វប្បធម៌​សន្ទនា” ថ្មី​របស់​លោក​ សម សង្ស៊ី មេដឹកនាំ​គណបក្ស​ប្រឆាំង ដែល​នឹង​ត្រួសត្រាយ​ផ្លូវ​ឲ្យ​មាន​ការ​ប្តូរ​របប​ដោយ​គ្មាន​ការ​បង្ហូរ​ឈាម​នោះ លោក​នាយក​រដ្ឋមន្ត្រី ហ៊ុន សែន បាន​ផ្អាក​នៅ​ដើម​សប្តាហ៍​នេះ។ លោក ហ៊ុន សែន បាន​មាន​ប្រសាសន៍​កាលពី​ថ្ងៃ​ច័ន្ទ​សប្តាហ៍​មុន ក្នុង​ពិធី​ប្រគល់​សញ្ញាប័ត្រ​ដល់​និស្សិត​នៅ​ខេត្ត​ស្វាយរៀង​ថា “ខ្ញុំ​សូម​និយាយ​ឲ្យ​ច្បាស់​​និង​សូម​ផ្តាំ​ផ្ញើ​ទៅ​ឯកឧត្តម​ សម រង្ស៊ី ថា វប្បធម៌​សន្ទនា​លែង​មាន​ប្រសិទ្ធភាព​ហើយ។ អូខេ​ទៅ​បាន​មិន​ចាំបាច់​សន្ទនា​អី​ទេ “។ នៅ​ថ្ងៃ​ដដែល​នោះ នៅ​មូលដ្ឋាន​កងទ័ព​ជើង​ទឹក​ជ្រោយ​ចង្វា​ក្រុង​ភ្នំពេញ ​លោក ទៀ បាញ់ រដ្ឋមន្ត្រី​ក្រសួង​កាពារ​ជាតិ​ដែល​បម្រើ​ការ​យូរ មាន​សារ​ទៅ​កាន់​ទាហាន​នៃ​កង​កម្លាំង​ប្រដាប់​អាវុធ​កម្ពុជា រឹតតែបង្ហាញ​ច្បាស់​ថែមទៀត។ លោក​ឧត្តមសេនីយ៍ ទៀ បាញ់ បាន​មាន​ប្រសាសន៍​ថា​ “កម្តៅ​កំពុង​តែ​កើន​ឡើង​ដោយសារ​ការ​ប្រើ​វោហារ​សាស្ត្រ ការ​ញុះញង់ [និង]​ការ​បង្ក​ហេតុ​…​ វាយ​ប្រហារ​យ៉ាង​ខ្លាំង​លើ​រដ្ឋាភិបាល​និង​គណបក្ស​ប្រជាជន​កម្ពុជា ហើយ​ពួកគេ​និយាយ​ថា មាន​តែ​គណបក្ស​សង្គ្រោះ​ជាតិ​ប៉ុណ្ណោះ​អាច​ផ្តួល​គណបក្ស​ប្រជាជន​កម្ពុជា និង​លោក ហ៊ុន សែន បាន”។ លោក​បាន​បន្ថែម​ថា “ពីមុន យើង​ការពារ​[រដ្ឋាភិបាល]​ដោយ​ចូល​សមរភូមិ​បញ្ចប់​សង្គ្រាម ប៉ុន្តែ​ឥឡូវ​វា​មិន​ដូច​នោះ​ទេ។ ទោះជាយ៉ាង​នេះ​ក្តី យើង​នៅតែ​ត្រូវ​មាន​ជំហរ​របស់​យើង​ច្បាស់លាស់”។ “ពួកគេ​បាន​ប្រមូល​មនុស្ស​មួយ​ចំនួន ហើយ​បាន​ចាប់​ផ្តើម​វាយប្រហារ ហើយ​វា​បាន​ចាប់​ផ្តើម​មាន​កម្តៅ​ខ្លាំង ដូច្នេះ​យើង​ត្រូវ​វាយ​បក​វិញ”។ […]

យោ​​​​​ង​​​តាម​​​តួលេខ​​​បឋម​​​ដែល​​​ក្រសួង​​​ទេស​​​ចរណ៍​​​បាន​​​ផ្តល់​​​ឲ្យ​​​កាល​​​ពី​​​ម្សិលមិញ បង្ហាញ​​​ថា​​​កំណើន​​​ភ្ញៀវ​​​ទេសចរ​​​បាន​​​បង្អង់​​​ល្បឿន​​​កាល​​​ពី​​​ឆ្នាំ​​​មុន​​​មក​​​នៅ​​​កម្រិត​​​ទាប​​​បំផុត​​​ ចាប់​​​តាំង​​​ពី​​​មាន​​​វិបត្តិ​​​ហិរញ្ញវត្ថុ​​​ពិភព​​​លោក​​​មក​​​។ លោក​​​ គង់ សុភារៈ ប្រធាន​​​នាយក​​​ដ្ឋាន​​​ស្ថិតិ​​​នៃ​​​ក្រសួង​​​ទេសចរណ៍​​​ បាន​​​មាន​​​ប្រសាសន៍​​​ថា ចំនួន​​​ភ្ញៀវ​​​ទេសចរ​​​ ដែល​​​មក​​​ដល់​​​ប្រទេស​​​កម​​​្ពុជា​​​តាម​​​គ្រប់​​​មធ្យោបាយ​​​នៃ​​​ការ​​​ធ្វើ​​​ដំណើរ​​​ បាន​​​ឈាន​​​ដល់​​​៤,៥​​​លាន​​​នាក់​​​កាល​​​ពី​​​​​ឆ្នាំ​​​មុន​​​ដោយ​​​កើន​​​ឡើង​​​តែ​​​៦,៨​​​ភាគ​​​រយ​​​ប៉ុណ្ណោះ​​​ពី​​​ចំនួន​​​៤,២​​​លាន​​​នាក់​​​ក្នុង​​​​​​ឆ្នាំ​​​២០១៣​​​។ ប្រទេស​​​កម្ពុជា​​​ទទួល​​​បាន​​​កំណើន​​​ភ្ញៀវ​​​ទេសចរ​​​ប្រចាំ​​​ឆ្នាំ​​​ជា​​​មធ្យម១៣,៥​​​ភាគ​​​រយ​​​ចាប់​​​តាំង​​​ពីឆ្នាំ​​​២០០៩​​​មក​​​ ដែល​​​នៅ​​​ពេល​​​នោះ​​​​​​ភ្ញៀវ​​​ទេសចរ​​​​​​បាន​​​កើន​​​ឡើង​​​តែ​​​១,៧​​​ភាគ​​​រយ​​​ប៉ុណ្ណោះ​​​។ លោក ហូរ វណ្ឌី សហប្រធាន​​​ក្រុម​​​ការ​​​ងារ​​​ទេសចរណ៍​​​ក្នុង​​​វិស័យ​​​រដ្ឋ​​​ និង​​​ឯកជន​​​ បាន​​​មាន​​​ប្រសាសន៍​​​ថា ឧស្សាហកម្ម​​​ទេសចរណ៍​​​បាន​​​រង​​​ផល​​​ប៉ះពាល់​​​ខ្លាំង​​​កាល​​​ពី​​​ដើម​​ឆ្នាំ​​​២០១៤ ដោយ​​​សារ​​​តែ​​​ការ​​​ជាប់​​​គាំង​​​ផ្នែក​​​នយោបាយ​​​។ លោក​​​បាន​​​មាន​​​ប្រសាសន៍​​​ទៀត​​​ថា “កំណើន​​​យឺ​​​ត​​​ជាង​​​ឆ្នាំ​​​មុន​​​ៗ​​​ដោយ​​​សារ​​​តែ​​​មាន​​​ឧបសគ្គ​​​មួយ​​​ចំនួន​​​ដូច​​​ជា​​​ការ​​​ជាប់​​​គាំង​​​ផ្នែក​​​នយោបាយ​​​ក្រោយ​​​ពី​​​ការ​​​បោះ​​​ឆ្នោត​​​សាកល​​​ជា​​​ដើម”។ ទោះជា​​​យ៉ាងណា លោក​​​បាន​​​មាន​​​ប្រសាសន៍​​​ថា លោក​​​រំពឹង​​​ទុក​​​ថា នៅ​​​ឆ្នាំនេះ​​​នឹង​​​ទទួល​​​បាន​​​កំណើន​​​ប្រហែល​​​១៥ភាគ​​​រយ​​​។ កាល​​​ពី​​​ខែ​​​ឧសភា ​​​មន្ត្រី​​​ទេសចរ​​​បាន​​​ជំរុញ​​​ឲ្យ​​​ឧស្សាហកម្ម​​​បដិសណ្ឋាកិច្ច​​មួយ​​​នេះ​​​បង្កើន​​​ការ​​​ខិត​​​ខំ​​​ធ្វើ​​​យុទ្ធ​​​សាស្ត្រ​​​ទីផ្សារ​​​របស់​​​ខ្លួន​​​ដើម្បី​​​ទាក់​​​ទាញ​​​ភ្ញៀវ​​​ទេសចរ​​​​​​ចិន បន្ទាប់​​​ពី​​​ចំនួន​​​ភ្ញៀវ​​​ទេសចរ​​​ធ្លាក់​​​ចុះ​​​ដោយ​​​សារ​​​ស្ថាន​​​ភាព​​​ចលាចល​​​ផ្នែក​​​នយោបាយ​​​នៅ​​​ក្នុង​​​ប្រទេស​​​ថៃ​​​ និង​​​បាតុកម្ម​​​ប្រឆាំង​​​ចិន​​​នៅក្នុង​​​ប្រទេស​​​វៀត​​​ណាម​​​កាល​​​ពី​​​ដើម​​​ឆ្នាំ​​​២០១៤​​​។ លោក លូ ម៉េង ប្រធាន​​​សមាគម​​​សណ្ឋាគារ​​​កម្ពុជា​​​បាន​​​មាន​​​ប្រសាសន៍​​​ថា ថ្វី​​​បើ​​​ទី​​​ផ្សារ​​​ចិន​​​ជា​​​ទី​​​ផ្សារ​​​សំខាន់​​​ដែល​​​ក្រុម​​​ហ៊ុន​​​អាកាស​​​ចរណ៍​​​នានា​​​បាន​​​បង្កើន​​​ជើង​​​​​​ហោះ​​​ហើរ​​​ចូល​​​ទៅ​​​កាន់​​​ប្រទេស​​​នោះ​​​ក្តី ក៏​​​កម្ពុជា​​​ចាំ​​​បាច់​​​ត្រូវ​​​ផ្តោត​​​លើ​​​ការ​​​ធានាឲ្យ​​​ទទួល​​​បាន​​​​​​ជើង​​​ហោះ​​​ហើរ​​​​​​ផ្ទាល់​​​ពី​​​ប្រទេស​​​ផ្សេង​​​ៗ​​​ទៀត​​​ ព្រម​​​ទាំង​​​ផ្សព្វ​​​ផ្សាយ​​​អំពី​​​គោល​​​ដៅ​​​ទេសច​​រណ៍​​​នានា​​​ក្រៅ​​​ពី​​​​​​ប្រាសាទ​​​អង្គរវត្ត​​​ផង​​​ដែរ​​​។ លោក​​​បាន​​​មាន​​​ប្រសាសន៍​​​ទៀត​​​ថា យើង​​​ចង់​​​ឲ្យ​​​ទេសចរណ៍​​​មិន​​​មែន​​​មក​​​តែ​​​ពីរ​​​យប់​​​ទេ ប៉ុន្តែ យើង​​​ចង់​​​ឲ្យ​​​ពួក​​​គាត​​់​​​ស្នាក់​​​នៅ១០​​​យប់ ហើយ​​​ទៅ​​​កម្សាន្ត​​​កន្លែង​​​ផ្សេង​​​ៗ​​​ដូច​​​ជា​​​ក្រុង​​​ព្រះ​​​សីហនុ បាត់​​​ដំបង​​​ និង​​​កោះ​​​រ៉ុង​​​ជាដើម​​​។ មាន​​​ព័ត៌​​​មាន​​​មិន​​​គ្រប់​​​គ្រាន់​​​ទេ​​​ស្តីពី​​​គោល​​​ដៅ​​​ទេសចរណ៍​​​ទាំង​​​នោះ​​​”។ យោង​​​តាម​​​តួ​​​លេខ​​​របស់​​​ក្រសួង​​​ទេសចរណ៍​​​បង្ហាញ​​​ថា នៅ​​​ក្នុង​​​រយៈ​​​ពេល​​​១១​​​ខែ​​​ ដើម​​​ឆ្នាំ​​​២០១៤ ភ្ញៀវ​​​ទេសចរ​​​​​​វៀតណាម​​​ដែល​​​ចូល​​​មក​​​ទស្សនា​​​មក​​​កម្ពុជា ​​​មាន​​​ចំនួន​​​ច្រើន​​​ជាង​​​គេ​​​បំផុត​​​ រហូត​​​​​​ដល់​​​ទៅ​​​៨០៣.៥៩១​​​នាក់​​​ ឬ​​​ស្មើ​​​នឹង​​​២០,១ភាគរយ​​​នៃ​​​​​​​​​​​​​​​​​​​​​​​​​​​​​​​​​ភ្ញៀវ​​​ទេសចរ​​សរុប​​​។ ​​​ចំនួន​​​ច្រើ​​​ន​​​បំផុត​​​ទី​​​២ គឺ​​​ភ្ញៀវ​​​ទេសចរ​​មក​​​ពី​​​ប្រទេស​​​ចិន​​​ដែល​​​ជា​​​ទីផ្សារ​​​រីក​​​ចម្រើន​​​លឿន​​​បំផុត​​​ជា​​​មួយ​​​នឹង​​​កំណើន​​​២១,៧ភាគ​​​រយ​​​ពី​​​មួយ​​​ឆ្នាំ​​​ទៅ​​​មួយ​​​ឆ្នាំ​​​៕សុខុម​​​​​​  

អង្គការ​សហ​ប្រជាជាតិ​និង​ក្រុម​សិទ្ធិ​មនុស្ស​បាន​បញ្ជាក់​កាលពី​ថ្ងៃ​ច័ន្ទ​ថា ជន​ស្វែង​រក​សិទ្ធិ​ជ្រកកោន​ម៉ុងតាញ៉ា​បី​នាក់​បាន​មក​ដល់​ក្រុង​ភ្នំពេញ​កាលពី​សប្តាហ៍​មុន ហើយ​កំពុង​ដាក់​ពាក្យ​សុំ​ឋានៈ​ជនភៀសខ្លួន​នៅ​នាយកដ្ឋាន​ជន​ភៀសខ្លួន​ក្រសួង​មហាផ្ទៃ។ លោក ឆាយ ធី អ្នក​សម្រប​សម្រួល​របស់​សមាគម​ការពារ​សិទ្ធិ​មនុស្ស អាដហុក ខេត្ត រតនគិរី ដែល​នៅ​ខេត្ត​នេះ​អ្នក​ស្វែង​រក​សិទ្ធិ​ជ្រកកោន​ម៉ុងតាញ៉ា​ជិត​៣០​នាក់​បាន​ភៀស​ខ្លួន​ក្នុង​ពេល​បី​ខែ​កន្លង​មុន​នេះ បាន​និយាយ​ថា មនុស្ស​បី​នាក់​បាន​មក​ដល់​ភ្នំពេញ​កាលពី​ថ្ងៃ​ពុធ។ ដោយ​សំដៅ​លើ​ជន​ម៉ុងតាញ៉ា លោក​បាន​និយាយ​ថា “​ថ្ងៃ​នេះ អង្គការ​សហ​ប្រជាជាតិ​បាន​បញ្ជាក់​ថា គេ​បាន​ទទួល​ចារ៉ាយ​វៀតណាម​បី​នាក់​នៅ​ក្រុង​ភ្នំពេញ”។ លោក ឆាយ ធី បាន​ឲ្យ​ដឹង​ទៀត​ថា អ្នក​ភូមិ​ចារ៉ាយ​ខ្មែរ​ម្នាក់ ដែល​ជួយ​បកប្រែ​ឲ្យ​ជន​ម៉ុងតាញ៉ា បាន​ប្រាប់​លោក​ថា ក្រុម​នេះ​មាន​បុរស​ពីរ​នាក់​និង​ស្ត្រី​ម្នាក់។ លោកស្រី វីវៀន តាន (Vivian Tan) មន្ត្រី​ផ្នែក​ព័ត៌មាន​ប្រចាំ​តំបន់​​នៅ​​​ការិយាល័យ​ឧត្ដម​ស្នង​ការ​អង្គការ​សហ​ប្រជាជាតិ​​ទទួល​បន្ទុក​ជន​ភៀស​ខ្លួន (UNHCR) បាន​បញ្ជាក់​កាលពី​យប់​មិញ​ថា ជន​ម៉ុងតាញ៉ា​ទាំង​នោះ​បាន​ធ្វើ​ដំណើរ​មក​ដល់ក្រុង​ភ្នំពេញ​ហើយ។ លោក​ស្រី​ តាន បាន​ឲ្យ​ដឹង​តាម​រយៈ​អុីម៉េល​មួយ​ថា “អ្នក​ទាំង​បី​ត្រូវ​បាន​គេ​បញ្ជូន​ទៅ​នាយកដ្ឋាន​ជន​ភៀសខ្លួន​ហើយ។ យើង​កំពុង​ធ្វើការ​ជាមួយ​ដៃគូ​របស់​យើង​អំពី​ការ​ស្នាក់នៅ​របស់​ពួកគេ”។ ទាំង​លោក ឆាយ ធី ទាំងលោក​ស្រី វីវៀន តាន មិន​បាន​និយាយ​ថា​ជន​ម៉ុងតាញ៉ា​បី​អ្នក​នោះ​បាន​ឆ្លង​ចូល​ប្រទេស​កម្ពុជា​របៀបណា ឬ នៅ​ទីណា​នោះ​ទេ។ លោក កែម សារិន ប្រធាន​នាយកដ្ឋាន​ជន​ភៀស​ខ្លួន បាន​និយាយ​ថា លោក​មិន​បាន​ដឹង​អំពី​ការ​មក​ដល់​របស់​ក្រុម​នេះ​ទេ […]

ក្រុម​មន្ត្រី​បាន​និយាយ​កាលពី​ម្សិលមិញ​ថា បុរស​ម្នាក់​ដែល​ជាប់ចោទ​ពីបទ​កាប់​ប្រពន្ធ​របស់​ខ្លួន​រហូត​ដល់​ស្លាប់​ ដោយ​ការ​ប្រចណ្ឌ​នៅ​ក្នុង​ខេត្ត​កណ្ដាល​នោះ​ កំពុង​រត់គេច​ខ្លួននៅឡើយ​​បន្ទាប់​ពីប្រព្រឹត្ត​​អំពើ​មនុស្ស​ឃាត​រួច​កាលពី​ថ្ងៃ​អាទិត្យ។ យោង​តាម​លោក ម៉ែន សុខឃឿន ​អធិការ​នគរ​បាល​ស្រុក​បាន​ឲ្យ​ដឹង​ថា លោក រិទ្ធ ជ្រឿន អាយុ​៥៨​ឆ្នាំ​ត្រូវ​បាន​ចោទ​ប្រកាន់ពី​បទ​កាប់​ប្រពន្ធ​របស់​ខ្លួន​ឈ្មោះ ហ៊ីង រឿង អាយុ​៥៣​ឆ្នាំ​​រហូត​ដល់​ស្លាប់​អំឡុង​ពេលឈ្លោះ​ប្រកែក​គ្នា​នៅ​ផ្ទះ​របស់​ខ្លួន​ក្នុង​ស្រុក​ខ្សាច់​កណ្ដាល នៅ​ម៉ោង​ប្រហែល​១០​និង៣០​នាទី​ព្រឹក។ លោក​បាន​មាន​ប្រសាសន៍​ថា “អំឡុង​​ជម្លោះ​នោះ ជនសង្ស័យ​បានខ្ទាស់​គន្លឹះទ្វារ​​បន្ទប់​ដេក ខណៈ​ដែល​ប្រពន្ធ​របស់​គាត់​បាន​ស្រែក​​​ ហើយ​យក​ដំបង​ឈើ​វាយ​ទ្វារ​។ នៅ​ពេល​នោះ រិទ្ធ ជ្រឿន បាន​បើក​​ទ្វារ រួច​យក​កាំបិត​ប៉័ងតោ​កាប់​ផ្ទៃ​មុខ​និង​ករបស់​នាង​ពីរ​កំាបិត​​”។លោក​បាន​បន្ថែម​ថា អ្នកស្រី ហ៊ីង រឿង ត្រូវ​បានគេ​ប្រទះ​ឃើញ​ស្លាប់​នៅ​កន្លែង​កើត​ហេតុ​តែម្ដង។ លោក ឆែម ម៉េង មេឃុំ​ព្រែក​អំពិល​បាន​មាន​ប្រសាសន៍​ថា ជនសង្ស័យ​រូប​នេះ​បាន​សម្លាប់​ប្រពន្ធ​របស់​ខ្លួន​ដោយ​​តែ​ការ​ប្រចណ្ឌ​ ពីព្រោះ​គាត់​ជឿ​ថា ស្ត្រីជាប្រពន្ធ​មាន​​ចិត្ត​មិន​ស្មោះ​ត្រង់នឹង​​ខ្លួន​។ លោក​បាន​មាន​ប្រសាសន៍​ថា “បុរស​រូប​នេះ​បាន​សង្ស័យ​លើ​​ប្រពន្ធ​របស់​ខ្លួន បន្ទាប់​​ពី​ស្ត្រី​រូប​នេះ​ត្រឡប់​មក​ពីធ្វើការ​ជា​កម្មករនៅតាម​ចម្ការ​​​ក្បែរ​ព្រំដែន​កម្ពុជា​-ថៃ”។ លោក អំ សំអាត អ្នកគ្រប់​គ្រង​ផ្នែក​បច្ចេកទេស​នៅ​អង្គការ​សិទ្ធិមនុស្ស​លីកាដូ​បាន​មាន​ប្រសាសន៍​ថា អង្គការ​សិទ្ធិ​មនុស្ស​នេះ​បាន​កត់​ត្រា​អំពើ​ហិង្សា​ក្នុង​គ្រួ​សារ​ចំនួន​១៦៣​ករណី ហើយ​៨ករណី​បណ្ដាល​ឲ្យ​មនុស្ស​ស្លាប់​នៅ​ក្នុង​ខេត្ត​ក្រុង​ចំនួន​១៤ ដែល​អង្គការ​នេះ​​បាន​ឃ្លាំ​មើល​កាលពី​ឆ្នាំ​មុន បើ​ប្រៀបធៀប​ទៅ​នឹង​អំពើ​ហិង្សាកើត​ឡើង​១៨១​ករណី​ និង​​​១៤ករណីបណ្តាលឲ្យ​មនុស្ស​ស្លាប់​ក្នុង​ឆ្នាំ​២០១៣៕ សារុន​​​​​​​​  

The Cambodia Daily | All the News Without Fear or Favor | The Daily Newspaper of Record Since 1993